ཡུ་ཨེཛ་ཨིན་ཌི་ཡ་ན་ཟེར་སར་ མེ་སྦྱང་ས་གོའི་ནང་ལས་ མི་རོ་ ༣༡ ཐོབ་ཡོདཔ།

ཧིན་དྷཱུཛ་ཏཱན།

ཡུ་ཨེཛ་ཨིན་ཌི་ཡ་ན་ཟེར་སར་ མེ་སྦྱང་ས་གོའི་ནང་ མི་རོ་ ༣༠ ལྷགཔ་ཅིག་ ཐོབ་ཡོདཔ་མ་ཚད་ ལ་ལོ་ཅིག་ རུལ་ཡོདཔ་སྦེ་ མཐོང་པའི་ཤུལ་ལུ་ ཁྲིམས་སྲུང་འགག་སྡེ་གིས་ ཞིབ་དཔྱད་འབད་དོ་ཡོདཔ་ཨིན་པས།

རྒྱལ་ཁབ་ཀྱི་ གློ་བུར་ཤི་རྐྱེན་ ཞིབ་དཔྱད་ཡིག་ཚང་གི་ སྙན་ཞུ་ཅིག་དང་འཁྲིལ་བ་ཅིན་ སྒྲིང་ཁྱིམ་ནང་ལས་ དྲིམ་སྡུག་ཁིག་ཁི་ཅིག་ མནམ་ཡོདཔ་མ་ཚད་ མི་རོ་ལ་ལོ་ཅིག་ སྤྱི་ཟླ་ ༣ པའི་ནང་ལས་ར་ མེ་སྦྱང་ས་གོ་དེ་ནང་ མཐོང་ཡོདཔ་སྦེ་ བཀོད་ཡོདཔ་ད་ མི་རོ་ ༡༦ དེ་ཅིག་ མེར་བཏང་བཏང་པའི་ ལྷག་ལུས་ཚུ་ཡང་ མཐོང་ཡོདཔ་སྦེ་ བཀོད་ནུག་ཟེར་ འགག་སྡེའི་ལིང་དཔོན་ ཨི་སཱག་པར་ཀར་གྱིས་ བཤད་ཡོདཔ་ཨིན་པས།

དེ་བཟུམ་མའི་ མཐོང་སྣང་དེ་ སེམས་ཕམ་སི་སི་ཅིག་ཨིན་པའི་ཁར་ གནས་སྟངས་དེ་ཡང་ རྩ་ལས་ར་ ལེགས་ཤོམ་ཅིག་མིནམ་ལས་ ད་ལྟོ་ ཞིབ་དཔྱད་འབད་བའི་བསྒང་ཨིན་པས་ཟེར་ བཀོད་འདུག་པའི་གནས་ཚུལ།