ར་ཤི་ཡའི་ ཨམ་སྲུ་ཅིག་ ཡུ་ཀེ་རེན་གྱི་ ཁྲོམ་སྡེ་ཀིབ་ལུ་ རྫས་བམ་བཀོག་སའི་ ས་ཁོངས་ནང་ལས་ཉེན་སྐྱོབ།

བི་བི་སི།

ར་ཤི་ཡའི་ ཨམ་སྲུ་གཅིག་ ཡུ་ཀེ་རེན་གྱི་རྒྱལ་ས་ ཀིབ་ཁྲོམ་སྡེའི་ རྫས་བམ་གྱི་ ས་ཁོངས་ནང་ལས་ ཉེན་སྐྱོབ་འབད་ཚུགས་ཡོདཔ་ཨིན་པས།

དེ་ཡང་ ར་ཤི་ཡ་དང་ ཡུ་ཀེ་རེན་ རྒྱལ་ཁབ་ཀྱི་ མི་ཁུངས་ཨིན་མི་ བཟའ་ཚང་དེ་ ཡུ་ཀེ་རེན་ལུ་ སྡོད་ཡོད་རུང་ དམག་འཁྲུག་ལུ་བརྟེན་ཏེ་ བཟའ་ཚང་དེ་ ཁ་ཕྱལ་བཏང་ཡོདཔ་ད་ ར་ཤི་ཡ་ལས་ཨིན་མི་ ཨམ་ཨི་ཀ་ཏེ་རི་ན་ ཝཱོལ་ཀོ་ཝ་དེ་ མཁའ་དམག་ཐོག་ལས་ དྲག་བཅོས་འབདཝ་ད་ རྨ་སྐྱོན་བྱུང་སྟེ་ ལུས་ཡོད་རུང་ ཡུ་ཀེ་རེན་ལས་ཨིན་མི་ མོ་གི་རྨགཔ་དེ་ལུ་ ཤི་རྐྱེན་བྱུང་ནུག།

མོ་གིས་ མོ་སྡོད་སའི་ སྒྲིང་ཁྱིམ་དེ་ནང་ ར་ཤི་ཡ་གིས་ རྫས་བམ་བཀོག་མི་དེ་ ལན་ཐེངས་ ༢ པ་ཨིན་ཟེར་ སླབ་ཡོདཔ་མ་ཚད་ སྤྱི་ཟླ་ ༤ པའི་ནང་ སྒྲིང་ཁྱིམ་དེ་ཁར་ བརྡ་བརྒྱུདཔ་ཅིག་ལུ་ཡང་ ཤི་རྐྱེན་བྱུང་ཡི་ཟེར་ཨིན་པས།

དེ་མ་ཚད་ ཡུ་ཀེ་རེན་གྱི་ དབང་འཛིན་པ་ཚུ་གིས་ཡང་ ར་ཤི་ཡ་གིས་ བརྟག་དཔྱད་ག་ནི་ཡང་མེད་པར་ རྫས་བམ་ག་ལྷོད་སྦེ་ བཀོག་ཞིམ་ལས་ ར་ཤི་ཡ་ ཁོང་རའི་མི་ཁུངས་ཚུ་ཡང་ བསད་ནི་གི་ དམིགས་གཏད་བསྐྱེད་ཡོད་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།