པ་ཀིཛ་ཏཱན་ལུ་ གནམ་བྱཱར་གྱི་ ཆར་ཆུ་ལུ་བརྟེན་ཏེ་ མི་གྲངས་ ༧༧ ལུ་ཤི་རྐྱེན།

ཨེན་བི་སི།
པ་ཀིཛ་ཏཱན་གྱི་ ནུབ་ཕྱོགས་ཁྲོམ་སྡེ་ ཀུ་ཡེ་ཊ་ཟེར་སར་ ཆར་ཆུ་ལུ་བརྟེན་ཏེ་ བདུན་ཕྲག་ ༣ གྱི་ནང་ ཨམ་སྲུ་དང་ ཨ་ལོ་ཚུ་བརྩིས་ཏེ་ མི་གྲངས་ ༧༧ དེ་ཅིག་ལུ་ ཤི་རྐྱེན་བྱུང་ནུག།
དེ་བཟུམ་སྦེ་ སྤྱི་ཟླ་ ༦ པའི་ཚེས་ ༡༤ ལས་ འགོ་བཟུང་སྟེ་ རྒྱལ་ཁབ་ནང་ རླུང་འཚུབ་འཕྲོ་མཐུད་དེ་ར་ འཕུ་ཡོདཔ་མ་ཚད་ གནམ་བྱཱར་གྱི་ ཆར་ཆུ་ལུ་བརྟེན་ཏེ་ རྒྱལ་ཁབ་ནང་གི་ ཁྱིམ་དང་ ལམ་ ཟམ་ གློག་མེའི་འཕྲུལ་ཁང་ཚུ་ལུ་ཡང་ གནོད་སྐྱོན་བྱུང་ཡོདཔ་ཨིན་པས།
དེ་མ་ཚད་ བཱ་ལུ་ཅིཛ་ཏཱན་ལུ་ སྣུམ་འཁོར་ཚུ་ཡང་ ཆུ་རུད་ཀྱིས་ འཕྱག་འབག་ཡོདཔ་ད་ རྒྱལ་ས་ཨིཛ་ལ་མ་བཱད་དང་ པཱན་ཇབ་མངའ་སྡེའི་ནང་ཡང་ ཆརཔ་སྦོམ་སྦེ་ར་ རྐྱབ༌དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: