རྒྱ་པཱན་གྱི་ བློན་ཆེན་བགྲེསཔ་ ཤིན་ཟོ་ཨེ་བེ་ ཀྲོབ་མདའ་རྐྱབ་སྟེ་བཀྲོངས་ཡོདཔ།

ཨེ་བི་སི།

སྤྱི་ཟླ་ ༧ པའི་ཚེས་ ༨ ལུ་ རྒྱ་པཱན་གྱི་ བློན་ཆེན་བགྲེསཔ་ ཤིན་ཟོ་ཨེ་བེ་དེ་ རྒྱ་པཱན་གྱི་ ནུབ་ཕྱོགས་ཁྲོམ་ལམ་ཅིག་ནང་ བསྐུལ་བསྒྲགས་འབད་བའི་སྐབས་ལུ་ ཕོ་སྐྱེས་ཅིག་གིས་ ཀྲོབ་མདའ་གར་ལྷོད་རྐྱབ་སྟེ་ བཀྲོངས་ཡོདཔ་ཨིན་པས།

དེ་ཡང་ ན་ར་གསོ་བའི་གཙུག་ལག་སློབ་སྡེའི་ གློ་བུར་སྨན་བཅོས་ཁང་ནང་ བསྐྱལ་བའི་ཤུལ་ལུ་ གཤགས་ཡོདཔ་ད་ དགུང་ལོ་ ༦༧ བཞེས་མི་ བློན་ཆེན་བགྲེསཔ་དེ་ རྒྱ་པཱན་རྒྱལ་ཁབ་ནང་ དུས་ཡུན་རིངམོ་སྦེ་ ཕྱག་ཞུ་བའི་ཤུལ་ལུ་ སྤྱི་ལོ་ ༢༠༢༠ ལོར་ དགོངས་ཞུ་མཛད་ནུག།

དེ་སྦེ་ ཀྲོབ་མདའ་རྐྱབ་མི་ སྐྱེས་ལོ་ ༤༡ འབད་མི་ ངོ་མིང་ཡ་མ་ག་མི་ ཏེ་ཙུ་ཡ་ཟེར་མི་དེ་ཡང་ འཛིན་བཟུང་འབད་ནུག་ཟེར་ བཀོད་འདུག་པའི་གནས་ཚུལ།