མོང་སྒར་རྫོང་ཁག་ སྐྱེངས་མཁར་རྒེད་འོག་ནང་ རི་དྭགས་སེམས་ཅན་དང་ ཞིང་ལམ་གྱི་དཀའ་ངལ།

བདེ་སྐྱིད་ཆོས་སྒྲོན།
མོང་སྒར་རྫོང་ཁག་ སྐྱེངས་མཁར་རྒེད་འོག་གི་ མི་སེར་ཚུ་གིས་ ཞིང་ཁར་གློག་མེ་ར་བ་ བསྒོར་ཡོད་རུང་ རི་དྭགས་སེམས་ཅན་གྱི་ དཀའ་ངལ་ཐོན་པའི་ནང་ལས་ཡང་ སྤྱ་ཚུ་གིས་ གེ་ཟ་ལུ་ གནོདཔ་སྦོམ་སྦེ་ར་ བཀལཝ་མས་ཟེར་ཨིན་པས།
དེ་ཡང་ སྐྱེས་ལོ་ ༣༤ འབད༌མི༌ སྐྱེངས་མཁར་རྒཔོ་ པདྨ་ཆོས་གྲུབ་ཀྱིས་ བཤད་ཡོདཔ་ད་ ཁོ་གིས་འབད་བ་ཅིན་ རྒེད་འོག་དེ་ནང་གི་ མི་སེར་ཚུ་ འཚོ་བ་གཙོ་བོ་ གེ་ཟ་ལུ་བརྟེན་ཏེ་ སྡོདཔ་ཨིན་རུང་ འོང་འབབ་ཀྱི་དོན་ལུ་ ཇཱན་དུམ་དང་ མཆོད་བཤམས་ དེ་ལས་ འབགཔ་དང་ ནང་ཆས་ལ་སོགས་པ་ཚུ་ཡང་བཟོ་སྟེ་ ཚོང་འབྲེལ་འཐབ་དོ་ཟེར་ཨིན་པས།
སོ་ནམ་ཞིང་ལམ་དེ་ གུང་གྲངས་བརྒྱ་ཆ་ ༩༠ དེ་ཅིག་གི་ སྒོ་ཁར་ལྷོད་ཡོདཔ་ད་ ཞིང་ལམ་ཚུ་བསལ་ཏེ་ ལོ་ངོ་ ༢ དང་ ༣ དེ་ཅིག་ ཡར་སོང་རུང་ ས་ཆ་ཚུ་ སྒྲིང་སྒྲིང་མེད་ནི་དེ་གིས་ ལོ་བསྟར་བཞིན་དུ་ གནམ་བྱཱར་གྱི་ དུས་ཚོད་ཁར་ ཆུ་རུད་དང་ ས་རུད་ཚུ་གིས་ འཕྱག་འབག་པའི་ དཀའ་ངལ་སྦོ་ཡོད་ཟེར་ བཤདཔ་ཨིན་པས།
རྒཔོ་པདྨ་ཆོས་གྲུབ་ཀྱིས་ རྗོང་ཁའི་སྐད་ཡིག་དང་ ལམ་སྲོལ་སློབ་གྲྭ་ལས་ སློབ་རིམ་ ༡༢ མཐར་འཁྱོལ་བའི་ཤུལ་ལུ་ ས་གནས་གཞུང་གི་ བཙག་འཐུ་ཐེངས་ ༢ པ་དང་ ༣ པའི་ནང་ རྒ་པོའི་འདེམས་ངོ་སྦེ་ བཅའ་མར་གཏོགས་ཡོདཔ་བཞིན་དུ་ མི་སེར་ཚུ་གིས་ཡང་ རྒྱབ་སྐྱོར་འབད་དེ་ བཙག་འཐུ་གྲུབ་ནུག།
རྒེད་འོག་དེ་ཁར་ སྤྱི་འོག་ ༦ གི་ནང་ གུང་གྲངས་ ༥༡༦ དེ་ཅིག་དང་ མི་རློབས་ ༣༩༨༥ དེ་ཅིག་གི་གྲས་ཁར་ ཕོ་སྐྱེས་ ༢,༠༥༧ དང་ ཨམ་སྲུ་ ༡,༩༢༩ ཡོདཔ་ཨིན་པའི་གནས་ཚུལ།

Please follow and like us: