རྒྱ་གར་ལུ་ ཁྲིམས་བཟོ་མི་ཚུ་གིས་ མི་རིགས་ཊཱའི་བཱལ་ཟེར་མི་ མི་སྡེའི་ནང་ལས་ སྲིད་འཛིན་འགོ་དང་པ་བཙག་འཐུ།

ཨེན་བི་སི།
སྤྱི་ཟླ་ ༧ པའི་ཚེས་ ༢༡ ལུ་ རྒྱ་གར་གྱི་ ཁྲིམས་བཟོ་མི་ཚུ་གིས་ ད་རེས་ འགོ་དང་པ་ མི་རིགས་ཊི་རི་བཱལ་ཟེར་མི་ མི་སྡེའི་ནང་ལས་ སྐྱེས་ལོ་ ༦༤ འབད་མི་ ཨམ་ཌོ་རུ་པ་དི་ མུར་མུ་དེ་ བཙག་འཐུ་གྲུབ་ནུག།
དེ་གི་ཧེ་མར་ ཨམ་ཌོ་རུ་པ་དི་ མུར་མུ་དེ་ སློབ་གྲྭའི་སློབ་དཔོན་ཅིག་སྦེ་ ཕྱག་ཞུ་ཡོདཔ་ད་ རྒྱལ་ཁབ་དེ་ནང་ སྲིད་འཛིན་ཨམ་སྲུ་ ཨང་ ༢ པ་ཨིན་པས།
སྤྱི་ཟླ་ ༧ པའི་ཚེས་ ༢༥ ལུ་ སྲིད་འཛིན་གྱི་ ཡིག་ཚང་ནང་ འཛུལ་ཞུགས་མཛད་ནི་ཨིནམ་ལས་ མོ་གིས་ ལོ་ངོ་ ༥ གི་ གནས་ཡུན་རིང་ལུ་ སྲིད་འཛིན་གྱི་ ཕྱག་ལཱ་གནང་ནི་ཨིན་པས།
བློན་ཆེན་མོ་དི་མཆོག་གིས་ རྒྱ་གར་གྱི་ ཤར་ཁ་ཐུག་ལས་ མཐའ་ཟུར་ས་གནས་ མི་རིགས་ཊི་རི་བཱལ་ཟེར་མི་ མི་སྡེའི་ནང་ལས་ སྲིད་འཛིན་བཙག་འཐུ་གྲུབ་ཡོདཔ་སྦེ་ གསུངས་ཡོད་པའི་སྐོར་ལས་ བཀོད་འདུག་པའི་གནས་ཚུལ།