མཐའ་ཡས་ལེན་གྱི་ བློན་ཆེན་ལུ་ བློ་གཏད་ཡོད་མེད་ཀྱི་ ཚོགས་རྒྱན་བསྐྱུར་བའི་སྐབས་ལུ་ རྒྱལ་ཁ་ཐོབ་ཡོདཔ།

ཨེ་བི་སི།
སྤྱི་ཟླ་ ༧ པའི་ཚེས་ ༢༣ ལུ་ མཐའ་ཡས་ལེན་གྱི་བློན་ཆེན་ པ་ར་ཡཱུད་ ཅཱན་ཨོ་ཅ་གིས་ ཚོགས་ཁང་ནང་ ལན་ཐེངས་ ༤ པའམ་ མཐའ་མཇུག་གི་ བློ་གཏད་ཡོད་མེད་ཀྱི་ ཚོགས་རྒྱན་སྐྱུརཝ་ད་ རྒྱལ་ཁ་ཐོབ་ཡོད་རུང་ ཧ་ལས་དགོཔ་ཅིག་མེད་ཟེར་ཨིན་པས།
དེ་མ་ཚད་ བློན་ཆེན་པ་ར་ཡཱུད་དང་ ལྷན་རྒྱས་གཞུང་ཚོགས་ཀྱི་ འཐུས་མི་ ༡༠ གྱིས་ དཔལ་འབྱོར་གྱི་ཐད་ཁར་ འཛིན་སྐྱོང་ཚུལ་མིན་འཐབ་སྟེ་ ངན་ལྷད་བཀག་ནིའི་ནང་ འཐུས་ཤོར་བྱུངམ་ལས་ རྩོད་བསྡུར་འབད་དེ་ ཉིན་གྲངས་ ༤ གི་རྒྱབ་ལས་ ཚོགས་རྒྱན་སྐྱུར་བའི་སྐབས་ལུ་ བློན་པོ་ ༡༠ གྱིས་ ཚོགས་རྒྱན་ཐོབ་ཡོདཔ་ལས་ ཚོགས་ཁང་ནང་ གཞུང་སྐྱོང་གི་ འཐུས་མི་མང་ཤོས་ཀྱིས་ར་ མཉམ་སྡོམ་ཐོག་ལས་ ཚོགས་རྒྱན་བསྐྱུར་ལུ་ བཀྲིན་དགའ་ཚོར་ཡོད་ཟེར་ཨིན་པས།
དེ་བསྒང་ བློན་ཆེན་པ་རཱ་ཡཱུད་ཀྱིས་ ཚོགས་རྒྱན་བསྡོམས་ ༢༥༦ དང་ དོ་འགྲན་པ་གིས་ ཚོགས་རྒྱན་ ༢༠༦ ཐོབ་ཡོདཔ་ད་ འཐུས་མི་ ༩ འཛེམ་སྡོད་ནུག་ཟེར་ བཀོད་འདུག་པའི་གནས་ཚུལ།