ཕི་ལི་པིནཛ་ལུ་ ས་ཡོམ་རྐྱབ་མིའི་ནང་ མི་གྲངས་ ༤ ལུ་ ཤི་རྐྱེན་དང་ ༦༠ ལུ་རྨ་སྐྱོན།

ཨཱལ་ཇ་ཟི་ར།

ཕི་ལི་པིནཛ་གི་ བྱང་ཁ་ཐུག་ལུ་ ས་ཡོམ་ཤུགས་ཅན་ཅིག་ རྐྱབ་ཡོདཔ་ལས་ མི་གྲངས་ ༤ དེ་ཅིག་ལུ་ ཤི་རྐྱེན་དང་ ༦༠ དེ་ཅིག་ལུ་ རྨ་སྐྱོན་བྱུང་ཡོདཔ་ཨིན་པས།

དེ་ཡང་ སྤྱི་ཟླ་ ༧ པའི་ཚེས་ ༢༧ ལུ་ ས་གནས་ཀྱི་ དྲོ་པའི་ཆུ་ཚོད་ ༨.༤༣ དེ་ཅིག་ཁར་ ས་ཡོམ་ཤུགས་ཚད་ མེག་ནི་ཅཱུད་ ༧.༡ འབད་མི་ རྐྱབ་ཡོདཔ་ལས་ གངས་ལྗོངས་མངའ་སྡེ་དང་ ཡོངས་གྲགས་ཅན་གྱི་ ལྷོ་ཕྱོགས་མཚོ་གླིང་ཚུ་ནང་ ས་རུད་ཆད་ཡོདཔ་མ་ཚད་ སྡོད་ཁྱིམ་ཚུ་ལུ་ཡང་ གནོད་སྐྱོན་བྱུང་ནུག།

ཤི་རྐྱེན་བྱུང་མི་ཚུ་གི་གྲས་ལས་ ཕོ་སྐྱེས་ ༡ ཨ་བཱ་ར་ མངའ་སྡེའི་ནང་ ཁོ་རའི་སྡོད་ཁྱིམ་གྱི་ རྩི་སའི་ཐོག་ལེབ་བུད་དེ་ བསད་ཡོདཔ་མ་ཚད་ མངའ་སྡེ་དེ་ནང་ལས་ར་ མི་གྲངས་ ༢༥ ལུ་ རྨ་སྐྱོན་བྱུང་མི་ཚུ་ཡང་ག་ར་ སྨན་ཁང་ནང་ བསྐྱལ་ནུག་ཟེར་ བཀོད་འདུག་པའི་གནས་ཚུལ།