རྒྱ་གར་ལུ་ ཕོ་སྐྱེས་ཅིག་གིས་ བུ་ལོན་སྤྲོད་ནིའི་དོན་ལས་ སྡོད་ཁྱིམ་མ་བཙོང་པའི་ཧེ་མར་ རྒྱན་ཤོག་གི་ གསོལ་རས་ཐོབ་ཡོདཔ།

བི་བི་སི།
རྒྱ་གར་ཀེ་ར་ལ་ལུ་ ཕོ་སྐྱེས་ཅིག་གིས་ བུ་ལོན་མང་རབས་ཅིག་ སྤྲོད་མ་ཚུགས་པའི་ གནད་ལུ་བརྟེན་ཏེ་ བཟའ་ཚང་ཚུ་གིས་ ཁོང་རའི་སྡོད་ཁྱིམ་བཙོང་ནི་སྦེ་ གྲོས་ཐག་བཅད་ཡོད་རུང་ མཐའ་མཇུག་ལུ་ བཙོང་མ་དགོ་པའི་ དུས་སྐབས་བཟང་པོ་ཅིག་ཤར་ནུག།
དེ་ཡང་ རྒྱ་གར་གྱི་ ལྷོ་ཕྱོགས་མངའ་སྡེ་ ཀེ་ར་ལའི་ ཀ་སར་གོཌ་ གཡུས་ཚན་ནང་སྡོད་མི་ མོ་ཧཱམ་མཱཌ་ བི་ཝ་གིས་ ཧ་ལམ་ལོ་ ༡ གི་རིང་ལུ་ རྒྱན་ཤོག་ལོ་ཊི་རི་ ཉོ་བའི་ཤུལ་ལས་ གསོལ་རས་རུ་པི་ས་ཡ་ ༡༠ ཐོབ་ནི་དེ་གིས་ཨིན་པས།
མ་གཞི་ སྤྱི་ཟླ་ ༧ པའི་ཚེས་ ༢༥ ལུ་ ཕྱི་རོའི་ཆུ་ཚོད་ ༥.༣༠ དེ་ཅིག་ཁར་ ཁྱིམ་ཉོ་མི་ཅིག་དང་ འཕྱད་ཐོག་ལས་ གོང་ཚད་གཏན་འཁེལ་བཟོ་ནི་སྦེ་ བློ་སླབ་ཡོད་རུང་ དེ་གི་ཧེ་མར་ ཆུ་ཚོད་ ༣.༢༠ དེ་ཅིག་ཁར་ རྒྱན་ཤོག་གི་ གསོལ་རས་ཐོབ་ཡོདཔ་སྦེ་ ཆ་རོགས་ཅིག་ལས་ བརྒྱུད་འཕྲིན་ལྷོད་ནུག།
རྒྱན་ཤོག་ལོ་ཊི་རིའི་ གསོལ་རས་དེ་ གཞུང་ཁྲལ་བཏོག་པའི་ཤུལ་ལུ་ རུ་པི་ས་ཡ་ ༦.༣ དེ་ཅིག་ འཐོབ་ནི་ཨིནམ་ལས་ བུ་ལོན་བདའ་མི་ཚུ་གིས་ཡང་ ཁྱིམ་སྒོ་བརྡུང་སྟེ་ འོང་ནི་དེ་ བཤོལ་བཞག་ནུག་ཟེར་ བཀོད་འདུག་པའི་གནས་ཚུལ།

Please follow and like us: