པ་ཀིཛ་ཏཱན་གཞུང་གི་ དམག་མི་ ༡ དང་ ངོ་ལོགཔ་ ༦ ལུ་ཤི་རྐྱེན།

ཨེ་བི་སི།
སྤྱི་ཟླ་ ༧ པའི་ཚེས་ ༣༠ ལུ་ པ་ཀིཛ་ཏཱན་གྱི་ ལྷོ་ནུབ་མངའ་སྡེ་ བ་ལུ་ཅིཛ་ཏཱན་ཟེར་སར་ དམག་འཛིང་ལངས་པའི་སྐབས་ལུ་ དམག་མི་ ༡ དང་ ངོ་ལོགཔ་ ༦ ལུ་ ཤི་རྐྱེན་བྱུང་ནུག།
དེ་ཡང་ ས་གནས་ཀེཆ་ལས་ མཱཛ་ཏང་ཟེར་སར་ ངོ་ལོགཔ་སྡེ་ཚན་ཅིག་ མོ་ཊར་སའི་ཀཱལ་གུ་སྦེ་ འགྲུལ་སྐྱོད་འབད་དོ་ཡོད་པའི་སྐོར་ལས་ པ་ཀིཛ་གཞུང་གི་ དམག་མི་ཚུ་ལུ་ སྙན་ཞུ་ཐོབ་པའི་ཤུལ་ལས་ དམག་འཛིང་ལངས་ཡོདཔ་ཨིན་པས།
དེ་བསྒང་ ངོ་ལོགཔ་ཚུ་གིས་ དམག་མི་ཚུ་ལུ་ ཀྲོབ་མདའ་ག་ལྷོད་རྐྱབ་པ་ལུ་བརྟེན་ཏེ་ དམག་མི་ཚུ་གིས་ཡང་ ལན་ལོག་རྐྱབ་ནི་དེ་གིས་ ངོ་ལོགཔ་ ༦ ལུ་ ཤི་རྐྱེན་བྱུང་ཡོདཔ་ད་ དམག་འཛིང་དེ་ འཕྲོ་མཐུད་དེ་ར་ ལང་བཞིན་དུ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: