ཡུ་ཀེ་རེན་གྱི་ དམག་འཁྲུག་ལུ་བརྟེན་ཏེ་ ནུས་ཤུགས་ཀྱི་ ལས་སྡེ་ཚུ་ལུ་ དམིགས་བསལ་གྱི་ཁེ་སང་།

བི་བི་སི།
འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་ ཨཱན་ཊོ་ནིའོ་ གུ་ཊར་རཱཛ་མཆོག་གིས་ གསུངས་དོ་བཟུམ་འབད་བ་ཅིན་ ས་སྣུམ་དང་ མེ་རླུང་གི་ ལས་སྡེ་ཚུ་ལུ་ དམིགས་བསལ་གྱི་ ཁྱལ་བཀལ་དགོཔ་འདུག་ཟེར་ཨིན་པས།
དེ་ཡང་ སྤྱི་ཟླ་ ༢ པའི་ནང་ལས་ ར་ཤི་ཡ་གིས་ ཡུ་ཀེ་རེན་ལུ་ བཙན་འཛུལ་འབད་དེ་ དམག་འཁྲུག་ལང་པ་ལུ་བརྟེན་ཏེ་ ནུས་ཤུགས་ཀྱི་ གོང་ཚད་ཚུ་ ཡར་སེང་ཐོག་ལས་ ལས་སྡེ་ཚུ་ལུ་ ཁེ་སང་སྦོམ་སྦེ་ར་ ཐོབ་ནི་དེ་གིས་ཨིན་ཟེར་གསུངས་ནུག།
ད་རུང་ ཡོངས་ཁྱབ་དྲུང་ཆེན་གྱིས་ གསུངས་དོ་བཟུམ་འབད་བ་ཅིན་ ཁྱིམ་ནང་གི་ བཟའ་ཚང་ཚུ་ལུ་ ནུས་ཤུགས་ཀྱི་ གོང་ཚད་ཚུ་ ཡར་སེང་ཐོག་ལས་ སྤྲོད་དགོཔ་འབྱུང་བཞིན་དུ་ཡོད་རུང་ ལས་སྡེ་ཚུ་གིས་ ཁེ་སང་སྦོམ་སྦེ་ར་ བཟོ་དོ་ཟེར་ཨིན་པས།
ག་དེ་སྦེ་ཨིན་རུང་ འདས་པའི་ལོ་ངོ་ ༡༤ གི་ ཁེ་སང་དེ་ ཟླ་ངོ་ ༣ གྱི་ ནང་འཁོད་ལུ་ བཟོ་ཡོད་མི་དེ་ཡང་ སྤྱི་ཟླ་ ༤ པ་ལས་ ༦ པ་ཚུན་ལུ་ ནུས་ཤུགས་ཀྱི་ ལས་སྡེ་སྦོམ་ཤོས་ ༤ བསྡོམས་ཏེ་ ཌོ་ལར་ཐེར་འབུམ་ ༥༡ དེ་ཅིག་ ཁེ་སང་ཐོབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: