མཐའ་ཡས་ལེན་ལུ་ མེ་རྐྱེན་ཅིག་ བྱུང་མིའི་ནང་ མི་གྲངས་ ༡༣ ལུ་ ཤི་རྐྱེན་དང་ ༤༠ ལུ་རྨ་སྐྱོན།

ཨེན་ཌི་ཊི་ཝི།
སྤྱི་ཟླ་ ༨ པའི་ཚེས་ ༥ ལུ་ མཐའ་ཡས་ལེན་གྱི་ ནུབ་མོའི་སྤྲོ་སྟོན་ཁང་ཅིག་ནང་ མེ་རྐྱེན་བྱུང་སྟེ་ མི་གྲངས་ ༡༣ ལུ་ ཤི་རྐྱེན་དང་ གཞན་མི་ ༤༠ ལུ་ རྨ་སྐྱོན་བྱུང་ནུག།
དེ་ཡང་ མཐའ་ཡས་ལེན་གྱི་མངའ་སྡེ་ ཅཱོན་བ་རི་ ས་ཏ་ཧིབ་ རྫོང་ཁག་ནང་ དྲོ་པའི་ཆུ་ཚོད་ ༡ དེ་ཅིག་ཁར་ བྱུང་ཡོདཔ་ད་ རྐྱེན་ངན་དེ་ནང་ གནོད་སྐྱོན་བྱུང་མི་ཚུ་ག་ར་ མཐའ་ཡས་ལེན་གྱི་ མི་ཁུངས་ཙང་ཙང་ར་ཨིན་པའི་ ངོས་འཛིན་བྱུང་ཡི་ཟེར་ ཁྲིམས་སྲུང་འགག་སྡེའི་ འགོ་དཔོན་ཅིག་གིས་ བཤད་ཡོདཔ་ཨིན་པས།
དེ་སྦེ་ ཤི་རྐྱེན་བྱུང་མི་ཚུ་ཡང་ ཨམ་སྲུ་ ༤ དང་ ཕོ་སྐྱེས་ ༩ ཨིནམ་ད་ ཤི་རྐྱེན་བྱུང་མི་ཚུ་གི་ ཕུངམོ་མང་ཤོས་ར་ ཆབ་གསང་གི་སྒོ་ཁར་ སྤུངས་འཛོམས་འབད་ས་ལས་ ཐོབ་ནུག་ཟེར་ བཀོད་འདུག་པའི་གནས་ཚུལ།

Please follow and like us: