སྤྱི་ལོ་ ༢༠༢༢ ལུ་ ཞི་གཡོག་སྔོན་འགྲོའི་ ཆོས་རྒྱུགས་ཀྱི་དོན་ལས་ ཐོ་བཀོད་འབད་མི་ སློབ་ཕྲུག་མར་འབབ།

སྒྲོལ་མ་ཡེ་ཤེས་དང་
བདེ་སྐྱིད་ཆོས་སྒྲོན།
ད་རིས་ སྤྱི་ཟླ་ ༨ པའི་ཚེས་ ༧ ལུ་ ཞི་གཡོག་སྔོན་འགྲོའི་ ཆོས་རྒྱུགས་ཀྱི་དོན་ལས་ རྒྱལ་ཁབ་ནང་འཁོད་དང་ ཕྱི་རྒྱལ་ཁག་ལས་ མཐོ་རིམ་ཤེས་ཡོན་མཐར་འཁྱོལ་མི་ སློབ་ཕྲུག་ཡོངས་བསྡོམས་ ༣,༨༨༤ གིས་ ཐོ་བཀོད་འབད་ཡོདཔ་ད་ ཆོས་རྒྱུགས་དེ་ཡང་ ཐིམ་ཕུ་དང་ མོང་སྒར་རྫོང་ཁག་ ༢ ཀྱི་ནང་ འགོ་འདྲེན་འཐབ་དོ་ཡོདཔ་ཨིན་པས།
དེ་ཡང་ སྤྱི་ལོ་ ༢༠༢༡ དང་ཕྱདཔ་ད་ དུས་ཅི་ སློབ་ཕྲུག་ ༧༡༥ དེ་ཅིག་གིས་ མར་ཕབ་སོང་ཡོདཔ་ད་ དེ་སྦེ་ མར་ཕབ་འགྱོ་མི་དེ་ ན་གཞོན་མང་ཤོས་ཅིག་ མཐོ་རིམ་ཤེས་ཡོན་ མཐར་འཁྱོལ་བའི་ཤུལ་ལས་ ཨཱཛ་ཊེ་ལི་ཡ་ལུ་ འགྱོ་ནི་སྦེ་ ཆོས་རྒྱུགས་ཀྱི་དོན་ལུ་ གྲ་སྒྲིག་མེད་ནི་དེ་གིས་ ཐོ་བཀོད་མ་འབདཝ་ འོང་ནི་མས་ཟེར་ ན་གཞོན་ཚུ་གིས་ བཤདཔ་ཨིན་པས།
དེ་མ་ཚད་ ཆོས་རྒྱུགས་ཀྱི་དོན་ལུ་ ཐོ་བཀོད་མ་འབད་མིའི་གྲས་ཁར་ མང་ཤོས་ཅིག་ར་ ཤེས་རབ་རྩེ་ མཐོ་རིམ་སློབ་གྲྭའི་ སློབ་ཕྲུག་ཚུ་ཨིནམ་ད་ དེ་ཡང་ མཐོ་རིམ་སློབ་གྲྭའི་ མཐར་འཁྱོལ་རྟེན་འབྲེལ་དེ་ སྤྱི་ཟླ་ ༧ པའི་ཚེས་ ༢༡ ལུ་མ་གཏོགས་ འགོ་འདྲེན་མ་འཐབ་ནི་དེ་གིས་ ཆོས་རྒྱུགས་ཀྱི་དོན་ལུ་ གྲ་སྒྲིག་འབད་ནི་གི་ དུས་ཚོད་ལངམ་སྦེ་ མ་ཐོབ་པ་ལུ་བརྟེན་ཏེ་ འོང་ནི་མས་ཟེར་ཨིན་པས།
ཐིམ་ཕུ་རྒྱལ་འཛིན་མཐོ་རིམ་སློབ་གྲྭའི་ མཐར་འཁྱོལ་རྟེན་འབྲེལ་དེ་ སྤྱི་ཟླ་ ༦ པའི་ཚེས་ ༣༠ ལུ་ འགོ་འདྲེན་འཐབ་ཡོདཔ་ལས་ སློབ་ཕྲུག་ཚུ་གིས་ སྔོན་འགྲོའི་ཆོས་རྒྱུགས་ཀྱི་དོན་ལུ་ གྲ་སྒྲིག་འབད་ནི་གི་ དུས་ཚོད་ལངམ་སྦེ་ ཐོབ་ཡོད་པའི་གནས་ཚུལ།

Please follow and like us: