ལྷོ་ཀོ་རི་ཡའི་རྒྱལ་ས་ སེ་འཱུལ་ལུ་ ཆུ་རུད་ཐོན་ཏེ་ མི་གྲངས་ ༨ དེ་ཅིག་ལུ་ ཤི་རྐྱེན་དང་ གཞན་མི་ ༡༤ ལུ་རྨ་སྐྱོན།

བི་བི་སི།

ལྷོ་ཀོ་རི་ཡའི་རྒྱལ་ས་ སེ་འཱུལ་གྱི་ ས་གནས་ཆ་ཤས་ཅིག་ནང་ འདྲེ་ཆར་ལུ་བརྟེན་པའི་ ཆུ་རུད་ཐོན་ཡོདཔ་ལས་ མི་གྲངས་ ༨ དེ་ཅིག་ལུ་ ཤི་རྐྱེན་དང་ གཞན་མི་ ༡༤ དེ་ཅིག་ལུ་ རྨ་སྐྱོན་བྱུང་ནུག།

དེ་ཡང་ སྤྱི་ཟླ་ ༨ པའི་ཚེས་ ༨ ཀྱི་ནུབ་མོར་ ཆུ་རུད་ཐོན་མི་དེ་གིས་ འཁོར་ལམ་ཚུ་ ཆུ་ནང་བྱིང་པའི་ཁར་ རེལ་ལི་འབབ་ཚུགས་ཚུ་ལུ་ གནོད་སྐྱོན་བྱུང་ཡོདཔ་མ་ཚད་ ཁྲོམ་སྡེའི་ནང་འཁོད་དང་ ཉེ་འདབས་ཀྱི་ མངའ་སྡེ་ཚུ་གི་ནང་ཡང་ གནམ་གནག་དུང་དུང་ སོང་ཡོདཔ་ཨིན་པས།

ས་གནས་ལ་ལོ་ཅིག་ནང་ དེ་བཟུམ་མའི་ ཆུ་རུད་ཐོན་མི་དེ་ མི་ལོ་ ༨༠ གི་ ནང་འཁོད་ལུ་ འགོ་དང་པ་ཨིནམ་ད་ གནམ་གཤིས་དབང་འཛིན་ཚུ་གིས་ ད་རུང་ཡང་ ཉིནམ་དག་པ་ཅིག་གི་རིང་ལུ་ འཕྲོ་མཐུད་དེ་ར་ ཆརཔ་རྐྱབ་ནི་བཟུམ་ཅིག་ཡོདཔ་སྦེ་ བཤདཔ་ཨིན་པས་ཟེར་ མཀོད་འདུག་པའི་གནས་ཚུལ།