སྔོ་ལྗང་སོར་ཆུད་ཀྱིས་ ལྷོ་ཨེ་ཤི་ཡའི་ ལུང་ཕྱོགས་ནང་ སྤྱི་ལོ་ ༢༠༣༠ ལས་ ལཱ་གཡོག་ས་ཡ་ ༣༠ ལྷགཔ་ཅིག་ བཟོ་ཚུགས་ནི། 

ཨེ་ཤི་ཡ་ གོང་འཕེལ་དངུལ་ཁང་གི་ སྙན་ཞུ་ལྟར་དུ་འབད་བ་ཅིན་ ལྷོ་ཨེ་ཤི་ཡའི་ ལུང་ཕྱོགས་ནང་ ནད་ཡམས་ལས་ སྔོ་ལྗང་དང་ལྡན་པའི་ སོར་ཆུད་ལས་རིམ་ནང་ ཡུ་ཨེས་ཌོ་ལར་ ཐེར་འབུམ་ ༡༧༢ དེ་ཅིག་ ཟད་འགྲོ་གཏང་ནི་གི་ འོས་འབབ་ཡོད་པ་ལུ་བརྟེན་ཏེ་ སྤྱི་ལོ་ ༢༠༣༠ ལས་ ལཱ་གཡོག་གི་གོ་སྐབས་ ས་ཡ་ ༣༠ ལྷགཔ་ཅིག་ བཟོ་ཚུགས་ནི་ཨིན་པས།

ལྷོ་ཨེ་ཤི་ཡའི་ ལུང་ཕྱོགས་ནང་ ནད་ཡམས་ལས་ སྔོ་ལྗང་དང་ལྡན་པའི་ སོར་ཆུད་ཀྱི་ ལས་འཆར་བསྟར་སྤྱོད་འབད་མི་དེ་ ནད་ཡམས་ལུ་བརྟེན་ཏེ་ བྱེམ་ཕོག་མི་ལས་ དཔལ་འབྱོར་གནས་སྟངས་ སྔོ་ལྗང་དང་ལྡནམ་སྦེ་ གོང་འཕེལ་གཏང་ནི་ལུ་ ཁེ་ཕན་འབྱུང་ནི་ཨིན་མས།

དེ་ཡང་ ནད་ཡམས་ལས་ སྔོ་ལྗང་དང་ལྡན་པའི་ སོར་ཆུད་ཀྱི་ ལས་འཆར་བསྟར་སྤྱོད་འབད་ནི་འདི་ ཐོན་སྐྱེད་ཅན་དང་ བསྐྱར་ལོག་ཅན་གྱི་སོ་ནམ་ཐོན་སྐྱེད་ འཕྲོད་བསྟེན་དང་ ཐོན་སྐྱེད་ཅན་གྱི་རྒྱམཚོ་ དེ་ལས་ ཡུན་བརྟན་གྱི་ ཁྲོམ་ཚོགས་གོང་འཕེལ་དང་ སྐྱེལ་འདྲེན་བཟོ་བཀོད་ ནུས་ཤུགས་ཅན་གྱི་ གློག་མེ་ཚུ་ནང་ཨིན་gས།

ཨེ་ཤི་ཡ་ གོང་འཕེལ་དངུལ་ཁང་གི་ སྲིད་བྱུས་གཞན་མི་དེ་ རང་བཞིན་གནས་སྟངས་ལུ་ གནོད་པ་ཉུང་པའི་ འཕྲུལ་རིག་དང་ ཨམ་སྲུ་ཚུ་གིས་ སྔོ་ལྗང་དང་ལྡན་པའི་ ཚོང་ལཱའི་སྒོ་སྐབས་ནང་ བཅའ་མར་གཏོགས་བཅུག་ནི་ དེ་ལས་ གྲངས་ཐོ་ཚུ་ བཀག་ཆ་མེད་པར་ གཅིག་བསྒྲིལ་ཐོག་ལས་ སྐྱེ་ལྡན་རིགས་སྣ་ཚུ་ འཛིན་སྐྱོང་འཐབ་ནི་ཨིན་མས།

སྤྱི་ལོ་ ༡༩༦༦ ལུ་ གཞི་བཙུགས་འབད་མི་ ཨེ་ཤི་ཡ་ གོང་འཕེལ་དངུལ་ཁང་དེ་ ཨེ་ཤི་ཡའི་ ལུང་ཕྱོགས་ནང་ དབུལ་ཕོངས་རྩམེད་གཏང་ནི་དང་ ཡུན་བརྟན་གོང་འཕེལ་གཏང་ནི་ལུ་ བརྩོན་ཤུགས་བསྐྱེདཔ་ཨིན་པས་ཟེར་ བཀོད་འདུག་པའི་གནས་ཚུལ།