ཏཱ་ལི་བཱན་ དམག་མི་ཚུ་གིས་ ངོ་རྒོལ་འབད་མི་ ཨམ་སྲུ་ཚུ་ལུ་བརྡུང་རྫོབ།

ཨེན་ཌི་ཊི་ཝི།
སྤྱི་ཟླ་ ༨ པའི་ཚེས་ ༡༣ ལུ་ ཏཱ་ལི་བཱན་ དམག་མི་ཚུ་གིས་ ཨཱཕ་གྷ་ནིཛ་ཏཱན་གྱི་རྒྱལ་ས་ ཀ་བཱུལ་ལུ་ ངོ་རྒོལ་འབད་མི་ ཨམ་སྲུ་ཚུ་ལུ་ བརྡུང་རྫོབ་འབད་ཡོདཔ་མ་ཚད་ ནམ་མཁའ་ལུ་ ཀྲོབ་མདའ་ཚུ་ཡང་ རྐྱབ་ཡོདཔ་ཨིན་པས།
དེ་ཡང་ ན་ཧིང་ སྤྱི་ཟླ་ ༨ པའི་ཚེས་ ༡༥ ལུ་ ཏཱ་ལི་བཱན་གྱིས་ གཞུང་དབང་བཙན་འཕྲོག་འབད་ཞིནམ་ལས་ཚུར་ ཧེ་མར་ ལོ་ངོ་བཅུ་ཕྲག་ ༢ ཀྱི་རིང་ལུ་ ཡུ་ཨེཛ་གིས་ བར་འཛུལ་འབད་དེ་བཞག་མི་ ཨམ་སྲུའི་རང་དབང་དེ་ ཆུང་ཀུ་ཅིག་ཡང་ མ་བཞག་པར་ ལོག་སྟེ་ར་ ཧེ་མའི་གནས་སྟངས་གུ་ ལྷོད་ཅི་ཟེར་ཨིན་པས།
ཏཱ་ལི་བཱན་ དམག་མི་ཚུ་གིས་ ནམ་མཁའ་ལུ་ ཀྲོབ་མདའ་མ་རྐྱབ་པའི་ཧེར་མར་ ཨམ་སྲུ་ ༤༠ དེ་ཅིག་གིས་ རང་དབང་དགོ་པའི་སྐོར་ལས་ སྐད་རྐྱབ་སྟེ་ ཤེས་རིག་ལྷན་ཁག་གི་ ཡིག་ཚང་སྒྲིང་ཁྱིམ་གྱི་གདོང་ཁར་ ངོ་རྒོལ་འགྲེམ་སྟོན་འབད་ནུག་ཟེར་ བཀོད་འདུག་པའི་གནས་ཚུལ།