ཡུ་ཀེའི་རྒྱལ་ཁབ་ནང་ རེལ་ལིའི་དེད་གཡོགཔ་ སྟོང་ཕྲག་ལེ་ཤ་ཅིག་གིས་ ལཱ་བཤོལ་ངོ་རྒོལ།

ཨེ་བི་སི།
སྤྱི་ཟླ་ ༨ པའི་ཚེས་ ༡༣ ལུ་ ཡུ་ཀེའི་རྒྱལ་ཁབ་ནང་ རེལ་ལིའི་དེད་གཡོགཔ་ སྟོང་ཕྲག་ལེ་ཤ་ཅིག་ གཡོག་ནང་ལས་ ཐོན་སོང་སྟེ་ ལཱ་གཡོག་དང་ དངུལ་ཕོགས་ གནས་སྟངས་ཚུ་ལུ་ ལཱ་བཤོལ་ངོ་རྒོལ་འབད་ཡོདཔ་ཨིན་པས།
དེ་ཡང་ བཟའ་འཐུང་དང་ ས་སྣུམ་ཚུ་གི་ གོང་ཚད་ཡར་འཕར་འགྱོ་བའི་ གནད་ལུ་བརྟེན་ཏེ་ཨིནམ་ད་ ངོ་རྒོལ་དེ་ནང་ རེལ་ལིའི་འཕྲུལ་ཨམ་གྱི་ བཟོ་རིག་འགོ་དཔོན་ཚུ་དང་ མེ་བསད་སྡེ་ཚན་ཚུ་གིས་ ལཱོན་ཌཱོན་དང་ སི་ཀོཊ་ལེན་ དེ་ལས་ དུས་རྒྱུན་རེལ་ལི་འོ་ལོག་གི་ ཞབས་ཏོག་བྱིན་མི་ཚུ་གིས་ བཅའ་མར་གཏོགས་ནུག།
དེ་བཟུམ་སྦེ་ རེལ་ལིའི་ལམ་འཕྱག་མི་ཚུ་དང་ བརྡ་སྟོན་འབད་མི་ རྒྱུན་སྐྱོང་གི་ ལཱ་འབད་མི་ཚུ་གིས་ཡང་ སྤྱི་ཟླ་ ༦ པ་དང་ ༧ པའི་ནང་ ཉིན་གྲངས་ ༡ གི་ ངོ་རྒོལ་འབད་ཡོདཔ་མ་ཚད་ ད་རུང་ བདུན་ཕྲག་ཤུལ་མའི་ནང་ཡང་ ངོ་རྒོལ་འབད་ནི་གི་ ལས་འཆར་ཡོདཔ་ཨིན་པས།
དེ་འབདཝ་ལས་ ཡུ་ཀེ་རེལ་ཝེའི་ནང་ དངུལ་ཕོགས་ཀྱི་ རྩོད་རྙོག་དང་ ལཱ་གི་གནས་སྟངས་ དེ་ལས་ ལཱ་གཡོག་སྲུང་སྐྱོབ་ཚུ་གི་ གོམས་གཤིས་ཚུ་ བསྒྱུར་བཅོས་འབད་དགོཔ་ཡོད་ལུགས་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།