མཐའ་ཡས་ལེན་གྱི་ ཁྲིམས་འདུན་མཐོ་ཤོས་ཀྱིས་ བློན་ཆེན་པ་ར་ཡཱུད་ ཅཱན་ཨོ་ཅ་དེ་ གཞུང་འབྲེལ་སྒྲིག་གཡོག་ནང་ལས་དགོངས་ཕོག།

བི་བི་སི།

སྤྱི་ཟླ་ ༨ པའི་ཚེས་ ༢༤ ལུ་ མཐའ་ཡས་ལེན་གྱི་ ཁྲིམས་འདུན་མཐོ་ཤོས་ཀྱིས་ བློན་ཆེན་པ་ར་ཡཱུད་ ཅཱན་ཨོ་ཅ་དེ་ གཞུང་འབྲེལ་སྒྲིག་གཡོག་ནང་ལས་ དགོངས་ཕོག་བཏོན་ནུག།

དེ་ཡང་ བློན་ཆེན་དེ་ གནས་ཡུན་ལས་ལྷག་སྟེ་ ཡིག་ཚང་ནང་ སྡོད་ནི་དེ་གིས་ ལྡོག་ཕྱོགས་ཚོགས་པ་ཚུ་གིས་ ཁྲིམས་འདུན་ལུ་ ཉོག་བཤད་བཀོད་པའི་ཤུལ་ལས་ དགོངས་ཕོག་བཏང་ཡོདཔ་ཨིན་པས།

མ་གཞི་ མཐའ་ཡས་ལེན་གྱི་ རྩ་ཁྲིམས་ཆེན་མོ་དང་འཁྲིལ་བ་ཅིན་ བློན་ཆེན་གྱི་ གོ་གནས་གུ་ ལོ་ངོ་ ༨ ལས་ སྡོད་མ་ཆོག་པའི་ཁར་ དམག་སྡེ་གཞུང་གི་ བཙག་འཐུའི་ལམ་སྟོན་ཅིག་དང་འཁྲིལ་རུང་ གནས་ཡུན་ལས་ ལྷག་སོང་ནུག་ཟེར་ཨིན་པས།

དམག་སྡེ་གིས་ སྤྱི་ལོ་ ༢༠༡༤ སྤྱི་ཟླ་ ༥ པའི་ནང་ གཞུང་དབང་བཙན་འཕྲོག་འབད་བའི་ཤུལ་ལུ་ དམག་སྤྱི་པ་ར་ཡཱུད་ ཅཱན་ཨོ་ཅ་གིས་ བློན་ཆེན་གྱི་ འགན་འཁྲི་འབག་མི་ གནས་ཡུན་དེ་ཡང་ སྤྱི་ལོ་ ༢༠༡༩ ལུ་ ཚང་ཡོདཔ་ཨིན་པས།

དེ་འབདཝ་ལས་ ངོ་རྒོ་འབད་མི་ཚུ་ ཚོགས་ཁང་གི་ཕྱི་ཁར་ འཛོམས་ཐོག་ལས་ བློན་ཆེན་པ་ར་ཡཱུད་ ཅཱན་ཨོ་ཅ་དེ་ དགོངས་ཞུ་འབད་དགོཔ་སྦེ་ ངོ་རྒོལ་འགྲེམ་སྟོན་ཅིག་ཡང་ འགོ་འདྲེན་འཐབ་ནུག་ཟེར་ བཀོད་འདུག་པའི་གནས་ཚུལ།