སྲིད་དོན་ཚོགས་པ་གསརཔ་ འབྲུག་མཐུན་འབྲེལ་ཚོགས་པ་ གཞུང་འབྲེལ་ཐོག་ལུ་ཐོ་བཀོད།

བདེ་སྐྱིད་ཆོས་སྒྲོན་དང་ སྒྲོལ་མ་ཡེ་ཤེས།

སྤྱི་ཟླ་ ༨ པའི་ཚེས་ ༢༢ ལུ་ འབྲུག་གི་བཙག་འཐུ་ལྷན་ཚོགས་ཀྱིས་ འབྲུག་མཐུན་འབྲེལ་ཚོགས་པ་འདི་ འབྲུག་རྒྱལ་ཁབ་ནང་ སྲིད་དོན་ཚོགས་པ་གསརཔ་ཅིག་སྦེ་ ངོས་འཛིན་ཐོག་ལས་ གཞུང་འབྲེལ་ཐོག་ལུ་ ཐོ་བཀོད་འབད་བའི་ ལག་ཁྱེར་གནང་ནུག།

དེ་ཡང་ འབྲུག་མཐུན་འབྲེལ་ཚོགས་པའི་ གཙོ་འཛིན་དེ་ བྱང་ཐིམ་ཕུའི་འདེམས་ངོ་ ཀུན་དགའ་ཚེ་རིང་དང་ གཙོ་འཛིན་འོགམ་དེ་ བཀྲིས་སྒང་རྫོང་ཁག་ ཁྲིམས་ཤིང་གི་འདེམས་ངོ་ བཅོ་ལྔ་ཚེ་རིང་ཨིན་པས།

དེ་ལས་ ཚོགས་པ་དེ་ནང་ སྐབས་ཐོག་གི་ འདེམས་ངོ་ ༤༧ གྱི་གྲས་ཁར་ ཨམ་སྲུ་ ༡༢ ཡོདཔ་མ་ཚད་ རྫོང་ཁག་ ༢༠ གི་ནང་ འགོ་འདྲེན་པ་ཚུ་དང་ སྤྲོ་སྣང་ཅན་གྱི་ རྒྱབ་སྐྱོར་བ་ཚུ་ཡང་ ལེ་ཤ་ཅིག་ཡོདཔ་ཨིན་པའི་གནས་ཚུལ།