ཏཱ་ཡེ་ཝཱན་ལུ་ ཨ་མི་རི་ཀའི་ འགོ་དཔོན་ལེ་ཤ་ཅིག་གིས་ བལྟ་སྐོར་འབདཝ་ལས་ སེམས་ཤུགས་ཧེང་སྐལ།

རེའུ་ཊརཛ།
སྤྱི་ཟླ་ ༨ པའི་ཚེས་ ༢༦ ལུ་ ཏཱ་ཡེ་ཝཱན་གྱི་སྲིད་འཛིན་ ཨམ་ཙའི་ཨིན་ཝེན་གྱིས་ གསུངས་དོ་བཟུམ་འབད་བ་ཅིན་ འཕྲལ་ཁམས་ཅིག་ཁར་ ཡུ་ཨེཛ་ལས་ ཁྲིམས་བཟོའི་འཐུས་མི་ཅིག་གིས་ རྒྱ་ནག་གི་ བཀག་ཆ་ལུ་ སྣང་མེད་བསྐྱུར་ཏེ་ ཏཱ་ཡེ་ཝཱན་ རྒྱལ་ཁབ་ནང་ བལྟ་སྐོར་ལུ་ འོང་མི་དང་ ཕྱད་པའི་ཤུལ་ལས་ རྒྱལ་ཁབ་དེ་ ཉེན་སྲུང་འབད་ནི་ལུ་ སེམས་ཤུགས་ཐོབ་ཅི་ཟེར་ཨིན་པས།
དེ་ཡང་ རྒྱ་ནག་གིས་ ཏཱ་ཡེ་ཝཱན་དེ་ ཁོང་གི་མངའ་འོག་ལུ་ཨིན་པའི་ ཐོབ་བརྗོད་བཀོད་དེ་ བཙག་འཐུ་ལས་གྲུབ་པའི་ དམངས་གཙོའི་གཞུང་ལུ་ བཀག་དམ་འབད་ཡོད་རུང་ སྤྱི་ཟླ་ ༨ པའི་ ཟླ་འགོ་ལུ་ ཡུ་ཨེཛ་གི་ཚོགས་དཔོན་ ཨམ་ནན་སི་ པེ་ལོ་སི་གིས་ ཏཱ་ཡེ་ཝཱན་ལུ་ བལྟ་སྐོར་འབད་བའི་ཤུལ་ལས་ རྒྱ་ནག་གིས་ ཏཱ་ཡེ་ཝཱན་ ཉེ་འདབས་ཀྱི་ རྒྱ་མཚོའི་ནང་ དྲག་དམག་གི་ འགྲེམས་སྟོན་ཚུ་འབད་ནུག།
ཏཱ་ཡེ་ཝཱན་ལུ་ ཡུ་ཨེཛགི་ཚོགས་དཔོན་ ཨམ་ནན་སི་ པེ་ལོ་སི་གིས་ བལྟ་སྐོར་འབད་དེ་ བདུན་ཕྲག་ ༡ གི་རྒྱབ་ལས་ ཡུ་ཨེཛ་ཁྲིམས་བཟོའི་ འཐུས་མི་ ༥ དེ་ཅིག་ཡང་ ཏཱ་ཡེ་ཝཱན་ལུ་ འོང་ཡོདཔ་མ་ཚད་ སྤྱི་ཟླ་ ༨ པའི་ཚེས་ ༢༥ ལུ་ ཡུ་ཨེཛ་སྤྱི་ཚོགས་ཀྱི་འཐུས་མི་ མར་ཤ་བེ་ལེག་བརནི་ཡང་ ཏཱ་ཡེ་ཝཱན་ལུ་ ལྷོད་ནུག་ཟེར་ བཀོད་འདུག་པའི་གནས་ཚུལ།

Please follow and like us: