པ་ཀིཛ་ཏཱན་ རྒྱལ་ཁབ་ནང་ ཆུ་རུད་ཐོན་ཏེ་ མི་སེར་ས་ཡ་ ༣༣ ལྷགཔ་ཅིག་ལུ་གནོད་སྐྱོན

བི་བི་སི།
སྤྱི་ཟླ་ ༨ པའི་ཚེས་ ༢༦ ལུ་ པ་ཀིཛ་ཏཱན་ གནམ་གཤིས་བློན་པོ་གིས་ བཤད་དོ་བཟུམ་འབད་བ་ཅིན་ རྒྱལ་ཁབ་དེ་ནང་ སྔོན་ཆད་བྱུང་མ་མྱོང་པའི་ ཆརཔ་དང་ ཆུ་རུད་ལུ་བརྟེན་ཏེ་ མི་སེར་ས་ཡ་ ༣༣ ལྷགཔ་ཅིག་ལུ་ གནོད་སྐྱོན་སྦོམ་སྦེ་ར་ བྱུང་ཡི་ཟེར་ཨིན་པས།
དེ་ཡང་ སྤྱི་ཟླ་ ༦ པའི་ནང་ལས་ ཆརཔ་མ་ཆདཔ་སྦེ་ར་ རྐྱབ་ནི་དེ་གིས་ ཆུ་རུད་ཐོན་ཏེ་ མི་སེར་ ༩༠༠ ལྷགཔ་ཅིག་ལུ་ ཤི་རྐྱེན་བྱུང་པའི་ཁར་ རྒྱལ་ཁབ་ལུ་ ཆུ་རུད་ཀྱི་ གནོད་སྐྱོན་ལུ་བརྟེན་ཏེ་ མ་དངུལ་གྱི་ དཀའ་ངལ་ཡང་ ཐོན་ཡོདཔ་ལས་ འཛམ་གླིང་རྒྱལ་སྤྱི་ལས་ གྲོགས་རམ་ཧེང་སྐལ་ གནང་དགོཔ་སྦེ་ ཞུ་ཡི་ཟེར་ཨིན་པས།
དུས་ཅི་ གནམ་བྱཱར་ཐོན་ཞིནམ་ལས་ཚུར་ ཆུ་རུད་སྦོམ་སྦེ་ར་ ཐོན་པ་ལུ་བརྟེན་ཏེ་ སྡོད་ཁྱིམ་ ༤༠༠,༠༠༠ ལྷགཔ་ཅིག་ལུ་ཡང་ གནོད་སྐྱོན་བྱུང་ནུག་ཟེར་ བཀོད་འདུག་པའི་ནས་ཚུལ།

Please follow and like us: