བི་རི་ཊེན་གྱི་ རྒྱལམོ་མཆོག་གིས་ སི་ཀོཊ་ལེནཌི་ལུ་སྦེ་ ཡུ་ཀེའི་བློན་ཆེན་གསརཔ་ བསྐོ་བཞག་གི་རྟེན་འབྲེལ།

ཨིན་ཌི་ཡ་ཊུ་ཌེ།
བི་རི་ཊེན་གྱི་རྒྱལམོ་ ཨེ་ལི་ཟ་བེཐ་མཆོག་གིས་ ཁོང་གི་རྒྱལ་རབས་ནང་ འགོ་དང་པ་ བཙག་འཐུ་ལས་གྲུབ་པའི་ བློན་ཆེན་གསརཔ་ ལུགས་མཐུན་བསྐོ་བཞག་གི་རྟེན་འབྲེལ་དེ་ སི་ཀོཊ་ལེན་ལུ་ རྒྱལམོ་མཆོག་གི་ཕོ་བྲང་ བཱལ་མོ་རཱལ་ལུ་སྦེ་ བརྩི་ནི་བཟུམ་ཅིག་ཡོད་ཟེར་ཨིན་པས།
དེ་ཡང་ དགུང་ལོ་ ༩༦ བཞེས་མི་ རྒྱལམོ་མཆོག་ སྐུ་ན་བགྲེས་པའི་དབང་གིས་ ཕར་ཚུར་ཆིབས་སྐྱོད་ཀྱི་ དཀའ་ངལ་ཡོདཔ་ལས་ ད་རེས་ སི་ཀོཊ་ལེནཌི་ལུ་ ལོ་བསྟར་གནམ་བྱཱར་གྱི་ ཁམས་སངས་ལུ་བྱོན་ཏེ་ བཞུགས་ཡོདཔ་ལས་ གཞུང་གི་དབུ་ཁྲིད་བགྲེསཔ་ རི་ཤི་སུ་ནག་དང་ ཕྱི་འབྲེལ་དྲུང་ཆེན་ ལིཟ་ཊུཛ་གང་རུང་ཅིག་ བཱལ་མོ་རཱལ་ ཕོ་བྲང་ནང་ འབོ་གནང་ནི་གི་ གསང་བའི་འཆར་གཞི་འདུག་ཟེར་ཨིན་པས།
ཀཱན་ཟར་ཝེ་ཊིབ་ཚོགས་པའི་ འགོ་ཁྲིད་དེ་ སྤྱི་ཟླ་ ༩ པའི་ཚེས་ ༥ ལུ་ བཙག་འཐུ་འགྲུབ་ནི་ཨིནམ་བཞིན་དུ་ ཉིན་གཅིག་གི་ཤུལ་ལས་ རྒྱལམོ་མཆོག་གིས་ མཇལ་ཕྲད་མཛད་ཐོག་ལས་ བོ་རིཛ་ཇཱོན་སཱན་གྱི་ཚབ་སྦེ་ གཞུང་འབྲེལ་ཐོག་ལུ་ བསྐོ་བཞག་གནང་ནི་ཨིན་པས།
ག་དེ་སྦེ་ཨིན་རུང་ བི་རི་ཊེན་གྱི་ རྒྱལམོ་མཆོག་ སི་ཀོཊ་ལེན་ལུ་ར་ བཞུགས་མི་བཞུགས་ཀྱི་སྐོར་ལས་ བློན་ཆེན་གསར་རྙིང་ ༢ ལུ་ སྔ་གོང་ལས་ བརྡ་བསྐུལ་དགོ་ནི་དེ་གིས་ བདུན་ཕྲག་ཤུལ་མའི་ནང་ར་ གསལ་བསྒྲགས་གནང་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: