རྒྱ་གར་བི་ཧར་ལུ་ གསང་བའི་ཞིབ་དཔྱད་ཐོག་ལས་ རུ་པི་བྱེ་བ་ ༤ དབང་བཟུང་།

ཨིན་ཌི་ཡ་ཊུ་ཌེ།
རྒྱ་གར་གྱི་ བི་ཧར་མངའ་སྡེ་ལུ་ གཞུང་གི་འགོ་དཔོན་ ༣ གྱི་ སྡོད་ཁྱིམ་ཚུ་ རྒྱ་གར་གསང་ཞིབ་ལས་ཁུངས་ཀྱིས་ ཞིབ་དཔྱད་ཐོག་ལས་ རུ་པི་བྱེ་བ་ ༤ དབང་བཟུང་འབད་ནུག།
དེ་ཡང་ གསང་ཞིབ་ལས་ཁུངས་ཀྱིས་ འགོ་དཔོན་ཚུ་གིས་ དུས་ཐེངས་གཅིག་ནང་ བི་ཧར་དང་ པཱཏ་ན་ དེ་ལས་ ཀི་ཤཱན་གཱནཇ་ཚུ་ནང་ ཀི་ཤཱན་གཱནཇ་ ཞབས་ཏོག་ལས་ཁུངས་ཀྱི་ བཀོད་ཁྱབ་བཟོ་རིག་འགོ་དཔོན་ སཱན་ཇེ་ཀུ་མར་རའི་དང་གཅིག་ཁར་ འབྲེལ་བ་ཡོད་མི་ཚུ་ སྡོད་སའི་ས་ཁོངས་ཚུ་ནང་ གསང་ཞིབ་འབད་ཡོདཔ་ཨིན་པས།
གསང་ཞིབ་འགོ་དཔོན་ཚུ་ སཱན་ཇེ་ཀུ་མར་རའི་གི་ ཁྱིམ་ནང་ལྷོདཔ་ད་ ཁོ་གིས་ ནང་གསུག་ལེན་མི་ དངུལ་དེ་ཚུ་ ཁོ་རའི་འོག་ལུ་ ལཱ་འབད་མི་ བཟོ་རིག་འགོ་དཔོན་འོགམ་ཅིག་དང་ རྩིས་འཛིན་པ་ཅིག་གི་ ས་ཁོངས་ནང་ བཞག་ཡོདཔ་ ཤེས་རྟོགས་བྱུང་པའི་ཤུལ་ལུ་ ལཱ་འབད་མི་ཚུ་གི་ སྡོད་ཁྱིམ་ཚུ་ནང་ཡང་ ཞིབ་དཔྱད་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: