རྒྱ་པཱན་གྱི་ རྒན་རྒས་གཅེས་སྐྱོང་ཁང་ནང་ རྒན་རྒས་ཚུ་ སེམས་དགའ་བཅུག་ནིའི་དོན་ལུ་ ཨ་ལོ་ཆུང་ཀུ་བཞག་ནི་ འགོ་བཙུགས་ཡོདཔ།

སི་ཨེན་ཨེན།
རྒྱ་པཱན་གྱི་ ལྷོ་ནུབ་ཁ་ཐུག་ལུ་ མོ་ཡེ་སེ་ཡུ་ཀེ་ཟེར་མི་ རྒན་རྒས་གཅེས་སྐྱོང་ཁང་ནང་ རྒན་རྒས་ཚུ་ སེམས་དགའ་བཅུག་ནིའི་དོན་ལུ་ ཨ་ལོ་ཆུང་ཀུ་བཞག་ནི་ འགོ་བཙུགས་ནུག།
དེ་སྦེ་ བཞག་དགོ་མི་དེ་ཡང་ རྒན་རྒས་གཅིག་གི་ཚམོ་ཅུང་ མོ་སྡོད་སར་ ཚར་རེ་འབག་འོངམ་ད་ མོ་སེམས་དགའ་ཏོག་ཏོ་དང་ བག་ཆགས་ཏོག་ཏོ་ འོང་དོ་ཡོདཔ་མ་ཚད་ མོ་བདག་འཛིན་འབད་མི་ སྨན་གཡོགཔ་དེ་གིས་ཡང་ མོ་རའི་ཨ་ལོ་ འབག་འོང་པའི་སྐབས་ལུ་ རྒན་རྒས་ཚུ་ སེམས་དགའ་སྟེ་ དག་སྣང་སྦོམ་ བསྐྱེདཔ་ཨིན་པས།
ཨ་ལོ་ཆུང་ཀུ་ དེ་སྦེ་ བཞག་པའི་སྐབས་ལུ་ མཐུན་རྐྱེན་ཡང་ ཨ་ལོའི་དགོས་མཁོ་དང་བསྟུན་ཏེ་ བྱིན་པའི་ཁར་ དུས་ཚོད་ཡང་ ཨ་ལོ་ནམ་སྟབས་བདེཝ་ཅིག་ འབག་འོངམ་ཨིན་པས།
དེ་ལས་ ཨ་ལོ་འབག་འོང་མི་ ཨའི་ཚུ་ལུ་ཡང་ སྨན་ཁང་དེ་གི་ ཇ་ཁང་ནང་ལས་ ཇ་དང་ བཟའ་འཐུང་ཚུ་ ཐོབ་ལམ་ཡོདཔ་སྦེ་ བཟོ་ནུག་ཟེར་ བཀོད་འདུག་པའི་གནས་ཚུལ།

Please follow and like us: