མ་ཡན་མར་ རྒྱལ་ཁབ་ཀྱི་ དབུ་ཁྲིད་བགྲེསཔ་ ཨམ་ཨང་སན་སུ་ཀི་ལུ་ ད་རུང་ཡང་ ལོ་ངོ་ ༣ གྱི་བཙོན་ཁྲིམས།

བི་བི་སི།
སྤྱི་ཟླ་ ༩ པའི་ཚེས་ ༢ ལུ་ དམག་སྡེ་གིས་ གཞུང་སྐྱོང་འབད་མི་ ཁྲིམས་ཀྱི་འདུན་ས་ལས་ མ་ཡན་མར་ རྒྱལ་ཁབ་ཀྱི་ དབུ་ཁྲིད་བགྲེསཔ་ ཨམ་ཨང་སན་སུ་ཀི་ལུ་ ད་རུང་ཡང་ ལོ་ངོ་ ༣ གྱི་ བཙོན་ཁྲིམས་བཀལ་ནུག།
དེ་ཡང་ བཙག་འཐུའི་སྐབས་ལུ་ གཡོ་སྒྱུ་འབད་བའི་ ཉེས་འཛུགས་འབད་དེ་ བཀལ་ཡོདཔ་ད་ ད་རེས་བཀལ་མི་ བཙོན་ཁྲིམས་བརྩིས་ཏེ་ མོ་ལུ་ ལོ་ངོ་ ༢༠ གི་ བཙོན་ཁྲིམས་ཕོག་ཅི་ཟེར་ མོ་གི་ཁྲིམས་རྩོདཔ་ཚུ་གིས་ བཤད་ཡོདཔ་ཨིན་པས།
ཨིན་རུང་ སྐྱེས་ལོ་ ༧༧ འབད་མི་ ཨམ་ཨང་སན་སུ་ཀིའི་ ཁ་ཐུག་ལས་ དེ་བཟུམ་མའི་ ཉེས་འཛུགས་བཀལ་མི་ཚུ་ག་ར་ སྲིད་དོན་ལུ་བརྟེན་ཏེ་ཨིནམ་སྦེ་ བཤད་ཐོག་ལས་ ཁས་མི་ལེན་དོ་ཡོདཔ་ཨིན་པས།
ཨམ་ཨང་སན་སུ་ཀིའི་ རྩོད་བཤེར་སྐབས་ལུ་ མི་སེར་དང་ བརྡ་བརྒྱུདཔ་ཚུ་ ཁྲིམས་ཀྱི་འདུན་སར་ འཛུལ་མ་ཆོགཔ་མ་ཚད་ ཁྲིམས་ཀྱི་འདུན་སའི་ ཕྱི་ཁར་ཡང་ ཁྲིམས་རྩོདཔ་ཚུ་གིས་ བརྡ་བརྒྱུདཔ་ཚུ་ལུ་ གསལ་བཤད་འབད་མ་ཆོག་པའི་ བཀག་ཆ་ཡང་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: