པ་ཀིཛ་ཏཱན་ལུ་ ཆུ་རུད་ཐོན་ནི་དེ་གིས་ ད་རུང་ཡང་ མི་གྲངས་ ༥༧ ལུ་ཤི་རྐྱེན།

ཨེན་ཌི་ཊི་ཝི།
སྤྱི་ཟླ་ ༩ པའི་ཚེས་ ༣ ལུ་ པ་ཀིཛ་ཏཱན་ རྒྱལ་ཁབ་ནང་ ཆུ་རུད་ལུ་བརྟེན་ཏེ་ ད་རུང་ཡང་ ཨ་ལོ་ ༢༥ རྩིས་ཏེ་ མི་གྲངས་ ༥༧ ལུ་ ཤི་རྐྱེན་བྱུང་ཡོདཔ་ཨིན་པས།
དེ་འབདཝ་ལས་ པ་ཀིཛ་ཏཱན་གྱི་རྒྱལ་ས་ ཨིཛ་ལ་མ་བཱད་ལུ་ བློན་ཆེན་ཤེ་བཱཛ་ ཤ་རིཕ་གིས་ འགོ་ཁྲིད་འོག་ལུ་ རྐྱེན་ངན་ལས་ སྲུང་སྐྱོབ་འབད་ནི་གི་ ཆེ་མཐོའི་མཉམ་འབྲེལ་སྡེ་ཚན་ཅིག་ གཞི་བཙུགས་འབད་ནུག།
ད་ཚུན་གྱི་བར་ན་ རྒྱལ་ཁབ་དེ་ཁར་ ཆུ་རུད་ཐོན་མིའི་ནང་ ཨ་ལོ་ ༤༤༡ རྩིས་ཏེ་ མི་གྲངས་བསྡོམས་ ༡,༢༦༥ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ མི་སེར་ས་ཡ་ ༣༣ དེ་ཅིག་ལུ་ཡང་ གནོད་སྐྱོན་བྱུང་ཡོདཔ་ཨིན་པས།
ཆུ་རུད་དེ་ འཕྲོ་མཐུད་དེ་ར་ འཐོན་བཞིན་དུ་ཡོདཔ་ལས་ ད་རུང་ཡང་ ཨ་ལོ་ཚུ་ལུ་ ཤི་རྐྱེན་དང་ ནད་གཞི་ཚུ་ འཐོབ་ནི་གི་ ཉེན་ཁ་སྦོམ་ཡོད་པའི་སྐོར་ལས་ འཛམ་གླིང་སྤྱི་ཚོགས་ ཨ་ལོའི་མ་དངུལ་གྱིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།