རྒྱ་གར་དང་ རྒྱ་ནག་གི་ དམག་མི་ཚུ་ ལ་དཱགས་ཀྱི་ ས་གོ་ནང་ལས་ འཐོན་འགྱོ་དོ་ཡོདཔ།

ཨཱལ་ཇ་ཟི་ར།
རྒྱ་གར་དང་ རྒྱ་ནག་གི་ ས་མཚམས་སྲུང་སྐྱོབ་འབད་མི་ དམག་སྡེ་ ༢ ཉེན་སྲུང་ལྟ་རྟོག་འབད་ས་ གོག་ར་ཚ་ཆུ་འི་ ས་གོ་ནང་ལས་ འཐོན་འགྱོ་ནི་ འགོ་བཙུགས་ནུག།
དེ་ཡང་ སྤྱི་ལོ་ ༢༠༢༠ སྤྱི་ཟླ་ ༤ པ་ལས་ འགོ་བཙུགས་ཏེ་ རྒྱལ་ཁབ་ ༢ ཀྱི་ ས་སྲུང་དམག་མི་ཚུ་ གདོང་ཐུག་འབད་ཆོག་ཆོག་གི་ གནས་སྟངས་འཚུབ་དྲགས་ཅིག་ནང སྡོད་ཡོདཔ་ཨིན་པས།
དེ་སྦེ་ འཐོན་འགྱོ་མི་དེ་ སྤྱི་ལོ་ ༢༠༢༢ སྤྱི་ཟླ་ ༩ པའི་ཚེས་ ༨ ལུ་ རྒྱ་གར་དང་ རྒྱ་ནག་གི་བར་ན་ དམག་སྡེའི་འགོ་དཔོན་གྱི་ གནས་ཚད་ཁར་ ཞལ་འཛོམས་ཐེངས་ ༡༦ པའི་ནང་ ཁ་འཆམ་བྱུང་མི་དང་འཁྲིལ་ཏེ་ཨིན་པས།
དེ་འབདཝ་ལས་ རྒྱ་གར་དང་ རྒྱ་ནག་གི་ དམག་སྡེ་གཉིས་ཆ་ར་ གོག་ར་ཚ་ཆུ་འི་ ས་གོ་ནང་ལས་ འོས་མཐུན་ཐོག་ འཐོན་འགྱོ་ནི་ འགོ་བཙུགས་པ་ལུ་མརྟེན་ཏེ་ རྒྱ་དཀར་ནག་ ༢ ཀྱི་ ས་མཚམས་ཁར་ ཞི་བདེ་དང་ བག་ཕེབས་ཏོག་ཏོ་ འབྱུང་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: