སྒེར་སྡེའི་ལཱ་དང་འབྲེལ་བའི་ གྱིབ་ཤོག་ཚུ་གིས་ རང་བཞིན་གནས་སྟངས་ལུ་གནོད་ཉེན།

སི་ཊེཊ་ཊ་ཡེམཛ།

བང་ལ་དེཤ་ལུ་ གྱིབ་ཤོག་དང་ གྱིབ་དམ་སྟོངམ་ཚུ་ བསྡུ་གསོག་འབད་མི་ ཨམ་སྲུ་ཅིག་གིས་ བཤད་དོ་བཟུམ་འབད་བ་ཅིན་ ཌ་ཀ་ཁྲོམ་གྱི་ བཙོག་དུང་གཡུར་བ་ཚུ་ག་ར་ གྱིབ་ཤོག་དང་ གྱིབ་དམ་སྟོངམ་ཚུ་གིས་ གང་སྟེ་འདུག་ཟེར་ཨིན་པས།

དེ་ཡང་ བང་ལ་དེཤ་གི་ ཁྲོམ་སྡེ་སྦོམ་ཤོས་ ཅཱཊ་ཏོ་ག་རམ་ཟེར་ས་ལས་ ད་རེས་ནངས་པར་ ཉིནམ་རེ་ལུ་ གྱིབ་ཤོག་གི་ ཕྱགས་སྙིགས་ཊཱོན་ ༢༤༩ དེ་རེ་ འཐོན་མི་དེ་ སྤྱི་ལོ་ ༢༠༥༢ ཀྱི་ནང་ ཉིནམ་རེ་ལུ་ ཊཱོན་ ༤༢༨ དེ་རེ་ལུ་ ལྷོད་ནི་གི་ འོས་འབབ་འདུག་ཟེར་ སྙན་ཞུ་ཅིག་ནང་བཀོད་ནུག།

དེ་མ་ཚད་ ཅི་ཏ་ག་འཱུན་ གཙུག་ལག་སློབ་སྡེ་གིས་ དབྱེ་དཔྱད་སྙན་ཞུ་ཅིག་ནང་ བཀོད་དོ་བཟུམ་འབད་བ་ཅིན་ གྱིབ་ཤོག་འཕྲོ་བརླགས་བཏང་མི་ ཕྱགས་རྙིགས་ཚུ་ མང་ཆེ་ཤོས་ར་ ཐུམ་དང་ ཐབ་ཆས་ རང་གིས་ལག་ལེན་འཐབ་དགོ་མི་ ཅ་ཆས་ཚུ་ཨིནམ་སྦེ་ ཐོན་ཡོད་པའི་ཁར་ ཕྱགས་རྙིགས་བརྒྱ་ཆ་ ༥༦ དེ་ཅིག་ཡང་ བདག་འཛིན་མེད་པར་ བཞག་དོ་ཟེར་ཨིན་པས།

དེ་བཟུམ་མའི་ ཕྱགས་རྙིགས་ཚུ་གིས་ དྲོད་ཤུགས་ཡར་སེང་སོང་སྟེ་ གནོད་ཉེན་ཆེ་བའི་ དུག་རླུང་ལུ་ འགྱུར་ནི་ཨིནམ་མ་ཚད་ ནམ་མཁའི་ཁམས་ག་ར་ བཙོག་རླུང་གིས་གང་སྟེ་ མ་འོངས་པར་ རང་བཞིན་གནས་སྟངས་ལུ་ གནོད་ཉེན་སྦོམ་བྱུང་ནིའི་ གཞི་རྟེན་ཅིག་ལུ་ འགྱུར་ནི་ཨིནམ་ལས་ གྱིབ་ཤོག་གི་ ཕྱགས་རྙིགས་ཚུ་ རྩ་མེད་བཏང་དགོ་པ་ཅིན་ གཞུང་གི་ཁ་ཐུག་ལས་ དུས་ཚོད་གཏོན་ཏེ་ འཆར་གཞི་དང་ སྒྲིག་གཞི་ཚུ་ ལེགས་ཤོམ་སྦེ་ བཟོ་དགོ་པའི་ གྲོས་འཆར་ཡང་ ཕུལ་ནུག་ཟེར་ བཀོད་འདུག་པའི་གནས་ཚུལ།