ཡུ་ཀེ་རེན་ སྲིད་འཛིན་གྱི་ སྣུམ་འཁོར་ལུ་ ཐུག་རྐྱེན་བྱུང་ཡོད་རུང་ སྲིད་འཛིན་མཆོག་ལུ་ གནོད་སྐྱོན་སྦོམ་མ་བྱུངམ

བི་བི་སི།
སྤྱི་ཟླ་ ༩ པའི་ཚེས་ ༡༥ གི་དྲོ་པར་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེན་ཀི་མཆོག་ དམག་རྐྱབ་སའི་ ས་གོ་ནང་ གཟིགས་སྐོར་གནང་སྟེ་ ལོག་བྱོན་པའི་ལམ་ཁར་ སྣུམ་འཁོར་གཞན་ཅིག་དང་ ཁ་ཐུག་རྐྱབ་སྟེ་ ཐུག་རྐྱེན་བྱུང་ཡོད་རུང་ སྲིད་འཛིན་མཆོག་ལུ་ གནོད་སྐྱོན་སྦོམ་ མ་བྱུངམ་ཨིན་པས།
དེ་ཡང་ ཡུ་ཀེ་རེན་གྱིས་ ལོག་ལེན་མི་ ཁར་ཀིབ་མངའ་སྡེའི་ ཨི་ཟི་ཡུམ་ ཁྲོམ་སྡེའི་ནང་ དམག་མི་ཚུ་དང་ མཇལ་ཕྲད་མཛད་དེ་ ལོག་རྒྱལ་ས་ཀིབ་ལུ་ བྱོན་པའི་ལམ་ཁར་ བྱུང་ཡོདཔ་ཨིན་པས།
དེ་བསྒང་ སྐྱེལ་འདྲེན་སྣུམ་འཁོར་ནང་ཡོད་མི་ ལམ་འགྲུལཔ་ཚུ་ལུ་ གནོད་སྐྱོན་མ་བྱུང་རུང་ དེད་གཡོགཔ་དེ་ སྲིད་འཛིན་མཆོག་གི་ སྨན་བཅོས་སྡེ་ཚན་གྱིས་ བརྟག་དཔྱད་འབད་བའི་ཤུལ་ལས་ ནདཔ་སྐྱེལ་འདྲེན་གྱི་ སྣུམ་འཁོར་ནང་ བཙུགས་བཏང་ནུག།
ག་དེ་སྦེ་ཨིན་རུང་ ཐུག་རྐྱེན་དེ་གི་སྐོར་ལས་ ཞིབ་དཔྱད་འབད་དོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།