མི་དབང་མཆོག་གིས་ རྒྱ་གར་གྱི་ ཕྱི་འབྲེལ་བློན་པོ་དང་མཇལ་ཕྲད།

སྤྱི་ཟླ་ ༩ པའི་ཚེས་ ༡༥ ལུ་ མི་དབང་མངའ་བདག་རིན་པོ་ཆེ་མཆོག་ རྒྱ་གར་དྷི་ལི་ལུ་ བཞུགས་ཡོདཔ་བཞིན་དུ་ རྒྱ་གར་གྱི་ ཕྱི་འབྲེལ་བློན་པོ་ ཌོག་ཊར་ཨེཛ་ ཇའི་ཤང་ཀར་དང་ མཇལ་ཕྲད་མཛད་གནང་ནུག།

དེ་མ་ཚད་ མི་དབང་མངའ་བདག་རིན་པོ་ཆེ་མཆོག་ ཉི་ཡོལ་དེ་ཅིག་ཁར་ རྒྱ་གར་དྷི་ལི་ལུ་ འབྲུག་གི་གཞུང་ཚབ་ལས་ཁང་ནང་ གཟིགས་སྐོར་གནང་ཐོག་ལས་ འབྲུག་གི་གཞུང་ཚབ་དང་ གཞུང་ཚབ་ལས་ཁང་ནང་ ལཱ་འབད་མི་ ལས་བྱེདཔ་ཚུ་དང་ཡང་ མཇལ་ཕྲད་མཛད་གནང་འདུག་པའི་ གནས་ཚུལ་མདོར་བསྡུས།