རྒྱ་པཱན་ལུ་ ཕོ་སྐྱེས་ཅིག་གིས་ ཁོ་རའི་གཟུགས་ཁར་ མེ་སྤར་ཡོདཔ།

བི་བི་སི།

སྤྱི་ཟླ་ ༩ པའི་ཚེས་ ༢༡ ལུ་ ཕོ་སྐྱེས་ཅིག་གིས་ རྒྱ་པཱན་གྱི་ བློན་ཆེན་བགྲེསཔ་ ཤིན་ཟོ་ཨེ་བིའི་ རྒྱལ་ཁམས་སྤུར་སྦྱང་ལུ་ ལོག་ཅི་ར་ ངོ་རྒོ་འབད་དེ་ ཁོ་རའི་གཟུགས་ཁར་ མེ་སྤར་ནུག།

དེ་ཡང་ མི་ཚུ་གིས་ ཁྲིམས་སྲུང་འགག་སྡེ་ལུ་ སྙན་ཞུ་འབད་མིའི་ནང་ བཀོད་དོ་བཟུམ་འབད་བ་ཅིན་ བློན་ཆེན་གྱི་ ཡིག་ཚང་གདོང་ཁར་ ཕོ་སྐྱེས་དེ་གིས་ ཁོ་རའི་གཟུགས་ཁར་ མེ་སྤར་ཡོདཔ་སྦེ་ མཐོང་པའི་ཤུལ་ལུ་ དེ་འཕྲལ་ལས་ སྨན་ཁང་ནང་ འབག་བསྐྱལ་ཡི་ཟེར་ཨིན་པས།

བློན་ཆེན་བགྲེས་པའི་ སྤུར་སྦྱང་དེ་ སྤྱི་ཟླ་ ༩ པའི་ཚེས་ ༢༧ ལུ་ འགོ་འདྲེན་འཐབ་ནི་ཨིནམ་ལས་ དེ་བསྒང་ ཕྱིའི་རྒྱལ་ཁབ་ཚུ་ལས་ དབུ་ཁྲིད་ལེ་ཤ་ཅིག་གིས་ གྲལ་གཏོགས་མཛད་གནང་ནི་གི་ རེ་བ་ཡོདཔ་ཨིན་པས།

དགུང་ལོ་ ༧༦ བཞེས་མི་ བློན་ཆེན་བགྲེསཔ་ ཤིན་ཟོ་ཨེ་བི་དེ་ སྤྱི་ཟླ་ ༧ པའི་ཚེས་ ༨ ལུ་ ཀྲོབ་མདའ་རྐྱབ་སྟེ་ བཀྲོངས་ནུག་ཟེར་ བཀོད་འདུག་པའི་གནས་ཚུལ།