རྒྱ་པཱན་གྱིས་ ཕྱི་གསལ་ནང་གསལ་གྱི་ ཉི་དྲོད་ཀྱི་ སྲབ་ལེབ་གསར་གཏོད།

བི་བི་སི།

རྒྱ་པཱན་ལུ་ འཕྲུལ་རིག་གི་ ཤུལ་མའི་ཐོན་རིམ་ནང་ འོས་འབབ་ག་ནི་བ་ཡོད་མི་ ཕྱི་གསལ་ནང་གསལ་གྱི་ ཉི་དྲོད་ཀྱི་སྲབ་ལེབ་ སྒོ་སྒྲིག་གུ་བཀལ་ཏེ་ ཉི་དྲོད་ལུ་བརྟེན་པའི་ ནུས་ཤུགས་བཟོ་བཏོན་གྱིས་མ་དོ་བར་ རང་སོའི་ཁང་མིག་ནང་ལས་ཡང་ བཅོས་མའི་དྲོད་ཤུགས་ བཟོ་བཏོན་འབད་ཚུགས་མི་ འཕྲུལ་རིག་གོང་འཕེལ་བཏངམ་ཨིན་པས།

ཀི་ཡོ་ཊོ་ལུ་ཡོད་མི་ ཨི་ནེ་ཀཱོཊ་ ཊེག་ནོ་ལོ་ཇི་ ཚོང་སྡེ་གིས་འབད་བ་ཅིན་ འཕྲུལ་རིག་དེ་ གྲ་སྒྲིག་སོང་ཞིནམ་ལས་ འཕྲུལ་རིག་དེ་ལུ་བརྟེན་པའི་ ནུས་ཤུགས་དེ་ ནམ་རྒྱུན་གྱི་ ཉི་དྲོད་སྲབ་ལེབ་ཚུ་དང་ ནུས་ཤུགས་འདྲ་མཉམ་སྦེ་ བཟོ་བཏོན་འབད་ཚུགས་པའི་ རེ་བ་ཡོད་ཟེར་ཨིན་པས།

ཚོང་སྡེ་དེ་ གཞི་བཙུགས་མཉམ་འབྲེལ་པ་དང་ བཀོད་ཁྱབ་གཙོ་འཛིན་ ན་ཨོ་ཡ་ ཀ་ཏོ་གིས་འབད་བ་ཅིན་ འཕྲུལ་རིག་གསརཔ་ཚུ་ ལོ་ངོ་ ༣ དང་ ༤ གི་ ནང་འཁོད་ལུ་ ཚོང་འབྲེལ་འཐབ་ཚུགས་པའི་ རེ་བ་ཡོད་ཟེར་ཨིན་པས།

དེ་མ་ཚད་ འཕྲུལ་རིག་དེ་ ཕྱི་ཁར་ལག་ལེན་འཐབ་ནིའི་དོན་ལུ་ གནམ་གཤིས་གནས་སྟངས་ཚུ་ཐུབ་མི་ ཁྱད་ཆོས་ཡང་ འོང་དགོཔ་ལས་ དུས་ཚོད་ཨ་ཙི་ཅིག་ འགོར་ནི་ཨིན་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།