རྒྱན་ཤོག་གསོལ་རས་ ཐོབ་པའི་ཤུལ་ལས་ མ་དངུལ་གྱི་ གྲོགས་རམ་ལེན་མི་ལུ་ ཞེན་པ་ལོག་ཡོདཔ།

བི་བི་སི།
རྒྱ་གར་གྱི་མངའ་སྡེ ཀེ་ར་ལ་ལུ་ ཨོ་ཊོ་རིག་ཤྭའི་ དེད་གཡོགཔ་ཨ་ནུབ་ཀྱིས་ མངའ་སྡེ་གཞུང་གི་ རྒྱན་ཤོག་གསོལ་རས་ རུ་པི་ས་ཡ་ ༢༥༠ ཐོབ་པའི་ཤུལ་ལས་ བློ་འགྱོད་སྦོམ་ བྱུང་ཡི་ཟེར་བཤད་ནུག།
དེ་ཡང་ སྤྱི་ཟླ་ ༩ པའི་ཚེས་ ༡༧ ལུ་ གསོལ་རས་དེ་ ཐོབ་པའི་ཤུལ་ལས་ མ་དངུལ་གྱི་ གྲོགས་རམ་དགོ་མི་ ལེ་ཤ་ཅིག་ ཐོན་ནི་དེ་གིས་ཨིནམ་ད་ ཁོ་གིས་འབད་བ་ཅིན་ གསོལ་རས་དེ་ ཨང་དང་པ་མིན་པར་ ཨང་གསུམ་པ་ཨིན་རུང་ ཀྲིག་ཀྲིག་སོང་ནུག་ཟེར་ཨིན་པས།
དེ་སྦེ་ གསོལ་རས་ཐོབ་པའི་ཤུལ་ལས་ མི་ངོ་མ་ཤེསཔ་ཚུ་གིས་ ཁོ་དང་ ཁོ་གི་བཟའ་ཚང་ཚུ་ལུ་ དོན་དག་མེད་པའི་ དཀའ་ངལ་བྱིན་ནི་དེ་ བཞག་དགོ་པའི་ གསོལ་འདེབས་ཅིག་ཡང་ མི་སྡེའི་བརྡ་བརྒྱུད་ནང་ བཏང་ཡོདཔ་ཨིན་པས།
དེ་མ་ཚད་ མཚམས་ཚོད་མེད་པའི་ མ་དངུལ་གྱི་ གྲོགས་རམ་ལེན་མི་ལས་ ཟུར་ཐབས་ལུ་ སྡོད་ཁྱིམ་ཡང་ སྤོ་བཤུད་འབད་དགོཔ་ ཐོན་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: