ར་ཤི་ཡའི་ སློབ་གྲྭ་ཅིག་ནང་ ཀྲོབ་མདའ་རྐྱབ་སྟེ་ མི་གྲངས་ ༡༧ དམར་བསད།

བི་བི་སི།

ར་ཤི་ཡའི་ འགོ་འཁྲིདཔ་ཚུ་གིས་ བཤད་དོ་བཟུམ་འབད་བ་ཅིན་ ར་ཤི་ཡའི་ དབུས་ཕྱོགས་སློབ་གྲྭ་ཅིག་ནང་ ཀྲོབ་མདའ་འབག་མི་ཅིག་གིས་ སློབ་གྲྭའི་ཕྱི་ཁར་  ཀྲོབ་མདའ་ག་ལྷོད་རྐྱབ་སྟེ་ མི་ ༡༧ དམར་བསད་འབད་བའི་ཁར་ གཞན་མི་ ༢༤ ལུ་ཡང་ རྨ་སྐྱོན་བྱུང་ནུག།

དེ་ཡང་ ཨིཛ་ཧེབཛ་ཟེར་མི་ ཁྲོམ་སྡེའི་སློབ་གྲྭ་ཅིག་ནང་ སློབ་ཕྲུག་ ༡,༠༠༠ ལྷགཔ་ཅིག་ཡོད་མི་ ས་ཁོངས་ནང་ ཤི་རྐྱེན་བྱུང་མིའི་གྲས་ཁར་ སློབ་གྲྭའི་ཨ་ལོ་ ༡༡ ཡོདཔ་ད་ དེ་སྦེ་ ཀྲོབ་མདའ་རྐྱབ་མི་དེ་ཡང་ སློབ་གྲྭ་དེ་ནང་གི་ སློབ་ཕྲུག་རྙིངམ་ཅིག་ཨིན་མི་དེ་ ས་ཁོངས་དེ་ནང་ར་ ཁོ་རང་གིས་ ཁོ་རང་ལུ་ ཀྲོབ་མདའ་རྐྱབ་སྟེ་ རང་སྲོག་བཅད་ཡོདཔ་ཨིན་པས།

རྐྱེན་ངན་བྱུང་སའི་ ས་ཁོངས་ནང་བཏབ་མི་ དཔར་ཚུ་ལུ་བལྟཝ་ད་ སློབ་ཁང་གི་ འཐིང་གཞི་ཚུ་ལུ་ ཁྲག་དང་ སྒོ་སྒྲིག་ཚུ་གུ་ ཀྲོབ་མདའ་ཕོག་པའི་ཤུལ་ཚུ་ཡོདཔ་མ་ཚད་ ཨ་ལོ་ཚུ་ཡང་ འདྲོག་བྱེལ་འཐབ་སྟེ འཇིགས་སྣང་གི་ཐོག་ལས་ འབྲི་ཁྲི་ཚུ་གི་འོག་ལུ་ འཛུལ་སྡོད་པའི་ མཐོང་སྣང་ཚུ་ཡང་ མཐོང་ཚུགས་པས་ཟེར་ བཀོད་འདུག་པའི་གནས་ཚུལ།