ཡུ་ཀེ་རེན་གྱི་ མི་སེར་ཚུ་ རྒྱལ་ཁབ་གཞན་ཁར་བྲོས་བྱོལ།

བི་བི་སི།

འཛམ་གླིང་སྤྱི་ཚོགས་ སྐྱབས་བཅོལ་ལས་སྡེ་གིས་ བཤད་དོ་བཟུམ་འབད་བ་ཅིན་  ར་ཤི་ཡ་གིས་ ཡུ་ཀེ་རེན་ལུ་ བཙན་གནོན་གྱི་ ཕྱད་མདའ་འགོ་བཙུགས་ཞིནམ་ལས་ཚུར་ ད་ཚུན་གྱི་བར་ན་ ཡུ་ཀེ་རེན་གྱི་ མི་སེར་ས་ཡ་ ༡༣.༧ ལྷགཔ་ཅིག་ རྒྱལ་ཁབ་སྤང་སྟེ་ ཁྱིམ་ཚང་རྒྱལ་ཁབ་ཚུ་ནང་ སྐྱབས་བཅོལ་བ་སྦེ་ སོང་ནུག་ཟེར་ཨིན་པས།

དེ་ཡང་ པོ་ལེན་རྒྱལ་ཁབ་ནང་ མི་གྲངས་ ༦,༦༢༨,༥༡༥  དེ་ཅིག་དང་ རོ་མེ་ནིཡ་ལུ་ ༡,༢༤༦,༩༤༥ ར་ཤི་ཡ་ལུ ༢,༨༥༢,༣༩༥ དེ་ལས་ ཧང་ག་རི་ཡ་ལུ་ ༡,༥༡༡,༠༢༠ སི་ལོ་བཱ་ཀི་ཡ་ལུ་ ༨༣༦,༣༧༢ མཱལ་ཌོ་ཝ་ལུ་ ༦༤༤,༢༤༦ བེ་ལ་རུཛ་ལུ་ ༡༦,༧༠༥ དེ་ཅིག་ འཛུལ་ཞུགས་འབད་ཡོད་པའི་ ཐོ་བཀོད་འབད་ནུག།

དེ་སྦེ་ རྒྱལ་ཁབ་གཞན་ཁར་འགྱོ་མི་ མང་ཤོས་ཅིག་ར་ ཨམ་སྲུ་དང་ ཨ་ལོ་ཚུ་ཨིནམ་ད་ སྐྱེས་ལོ་ ༡༨ ལས་ ༦༠ གི་བར་ན་འབད་མི་ ཕོ་སྐྱེས་ཚུ་ ཡུ་ཀེ་རེན་ རྒྱལ་ཁབ་ནང་ར་ ཕྱད་མདའའི་དོན་ལུ་ སྡོད་དགོཔ་སྦེ་ སླབ་སྟེ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།