རྒྱ་ནག་གི་ ཁྲོམ་སྡེ་ཚུ་ནང་ གློག་བརྟེན་འགྲུལ་འཁོར་ཚུ་ ཚར་གཅིག་གུ་ཡར་འཕར།

བི་བི་སི།

ལོ་ ༥ གི་ཧེ་མར་ རྒྱ་ནག་གི་ ཁྲོམ་སྡེ་ཚུ་ནང་ མར་ཁུ་བླུགས་དགོ་མི་ གླ་འཁོར་ཚུ་ ག་དེ་དྲག་དྲག་ བཀག་དམ་འབད་དེ་ གློག་ཤུགས་ལུ་བརྟེན་པའི་ གླ་འཁོར་མང་སུ་ བཙུགས་དགོཔ་སྦེ་ བཤད་མི་དང་འཁྲིལ་ཏེ་ ད་རེས་ནངས་པར་ ཁྲོམ་སྡེ་ཚུ་ནང་ གློག་ཤུགས་ལུ་བརྟེན་པའི་ གླ་འཁོར་མང་རབས་ཅིག་ མཐོང་ཚུགསཔ་ཨིན་པས།

དེ་མ་ཚད་ ཁྲོམ་སྡེ་མང་ཤོས་ཅིག་ནང་ གློག་བརྟེན་གླ་འཁོར་གྱི་ དེད་གཡོགཔ་ཚུ་ གློག་ཤུགས་བསྐྱར་གསོའི་དོན་ལུ་ དུས་ཡུན་ཆུ་ཚོད་ ༢ དེ་རེ་ སྒུག་མ་དགོ་པར་ ས་གོ་ཚུ་གི་ནང་ལས་ འཕྲུལ་ལྟོ་ཚུ་ཡང་ བརྗེ་སོར་གྱི་དོན་ལུ་ འཐོབ་ཆོག་ཆོག་ཡོདཔ་ཨིན་པས།

ད་རེས་ནངས་པར་ རྒྱ་ནག་ལུ་ དུས་ནམ་ཡང་ བྱུང་མ་མྱོང་པའི་ དེ་བཟུམ་མའི འཕྲུལ་རིག་ཚར་གཅིག་གུ་ཐོན་ཏེ་ གཞུང་འཁོར་དང་ གླ་འཁོར་ཚུ་གིས་མ་ཚད་པར་  སྒེར་མི་ལེཤ་ཅིག་གིས་ཡང་ གློག་བརྟེན་འགྲུལ་འཁོར་ཚུ་ མཁོ་མངགས་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།