རྒྱ་ནག་གིས་ ནེ་དར་ལེན་ལུ་ ཁྲིམས་འགལ་ཐོག་ལས་ ཁྲིམས་སྲུང་འགག་སྡེའི་ ཡིག་ཚང་གཞི་བཙུགས།

བི་བི་སི།
ནེ་དར་ལེན་ལུ་ རྒྱ་ནག་གཞུང་གིས་ ཁྲིམས་ལུགས་ལས་འགལ་བའི་ ཁྲིམས་སྲུང་འགག་སྡེའི་ ཡིག་ཚང་ ༢ གཞི་བཙུགས་འབད་ཡོད་པའི་ ཁ་ཉེས་ཕོག་ནུག།
དེ་ཡང་ ཌཱཆ་བརྡ་བརྒྱུདཔ་ཚུ་གིས་ སྒྲུབ་བྱེད་ཐོབ་མི་དང་འཁྲིལ་པ་ཅིན་ ཕྱི་རྒྱལ་དང་འབྲེལ་བའི་ ཞབས་ཏོག་ལྟེ་བ་ཟེར་མི་ ཕྱི་འབྲེལ་སྲིད་སྐྱོང་གི་ ཡིག་ཚང་ནང་ རྒྱ་ནག་གཞུང་གིས་ ཡུ་རོབ་ལུ་ ཁྲིམས་ལུགས་དང་མ་མཐུན་པའི་ ལཱ་ཚུ་འབད་དེ་འདུག་ཟེར་ཨིན་པས།
དེ་སྦེ་ གཞུང་གི་གནང་བ་མེད་པར་ ཁྲིམས་སྲུང་འགག་སྡེའི་ ཡིག་ཚང་གཞི་བཙུགས་འབད་མི་དེ་ ཁྲིམས་འགལ་ཨིན་ཨིན་པའི་སྐོར་ལས་ ཌཱཆ་ཕྱི་འབྲེལ་ལྷན་ཁག་ལས་ གསལ་བཤད་འབད་ནུག།
ཨིན་རུང་ ནེ་དར་ལེན་ལུ་ཡོད་མི་ རྒྱ་ནག་གཞུང་ཚབ་ ཡིག་ཚང་ལས་ བཤད་དོ་བཟུམ་འབད་བ་ཅིན་ གནད་དོན་དེ་གི་སྐོར་ལས་ ཁོང་གིས་ ག་ནི་ཡང་མི་ཤེས་ཟེར་ཨིནམ་ད་ ག་དེ་སྦེ་ར་ཨིན་རུང་ ད་ལྟོ་ ཞིབ་དཔྱད་འབད་བའི་བསྒང་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: