རྒྱ་གར་ལུ་ ཊ་ཊ་ལས་སྡེ་གིས་ དམག་སྡེའི་དོན་ལས་ གནམ་གྲུ་བཟོ་བསྐྲུན།

བི་བི་སི།
རྒྱ་གར་ལུ་ ཊ་ཊ་ལས་སྡེ་གིས་ དམག་སྡེའི་དོན་ལས་ གནམ་གྲུ་བཟོ་བསྐྲུན་འབད་ནི་ འགོ་བཙུགས་མི་དེ་ སྒེར་སྡེའི་ལས་འགུལ་ འགོ་དང་པ་ཨིན་པས།
དེ་ཡང་ རྒྱ་གར་གཞུང་གིས་ གསལ་བསྒྲགས་འབད་བའི་ནང་གསལ་ ཊ་ཊ་ལས་སྡེ་དང་ ཨེ་ཡར་བཱཛ་ ༢ མཉམ་རུབ་ཐོག་ལས་ རྒྱ་གར་གྱི་ དམག་མི་ཚུ་ སྐྱེལ་འདྲེན་གྱི་དོན་ལུ་ གནམ་གྲུ་སི་-༢༩༥ བཟོ་བསྐྲུན་འབད་ནི་ འགོ་བཙུགས་ནུག།
ལས་འགུལ་དེ་ལུ་ མ་དངུལ་རུ་པི་ཐེར་འབུམ་ ༢༡༩ གནས་ནི་ཨིནམ་ད་ རྒྱ་གར་གྱི་ ནུབ་ཕྱོགས་མངའ་སྡེ་ གུ་ཇཱ་རཱཏ་ལུ་ གཞི་བཙུགས་འབད་དེ་ཡོད་མི་ བཟོ་བསྐྲུན་སྡེ་ཕྲན་དེ་ སྤྱི་ཟླ་ ༡༠ པའི་ཚེས་ ༣༡ ལུ་ རྒྱ་གར་གྱི་བློན་ཆེན་ ན་རེན་ད་ར་ མོ་དི་མཆོག་གིས་ གཞུང་འབྲེལ་ཐོག་ཏུ་ འགོ་འབྱེད་མཛད་ནི་ཨིན་པས།
རྒྱ་གར་ལུ་ སྒེར་སྡེ་གིས་ དེ་བཟུམ་མའི་ གནམ་གྲུ་བཟོ་བསྐྲུན་འབད་མི་དེ་ འགོ་དང་པ་ཨིནམ་ད་ ད་ཚུན་གྱི་བར་ན་ དམག་སྡེའི་གནམ་གྲུ་ཚུ་ གཞུང་དབང་ལས་སྡེ་ ཧིན་དུཛ་ཏཱན་ མཁའ་འགྲུལ་རིག་པ་གིས་ བཟོ་བསྐྲུན་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: