མལ་དིབཛ་ལུ་ སྒྲིང་ཁྱིམ་ཅིག་གུ་ མེ་རྐྱེན་བྱུང་སྟེ་ མི་ ༡༠ ལུ་ཤི་རྐྱེན།

ཨིན་ཌི་ཡ་ཊུ་ཌེ།

སྤྱི་ཟླ་ ༡༡ པའི་ཚེས་ ༡༠ ལུ་ མལ་དིབཛ་གི་རྒྱལ་ས་ མ་ལེ་ལུ་ སྒྲིང་ཁྱིམ་ཅིག་གུ་ མེ་རྐྱེན་བྱུང་ཡོདཔ་ལས་ མི་གྲངས་ ༡༠ ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ལེ་ཤ་ཅིག་ལུ་ཡང་ རྨ་སྐྱོན་བྱུང་ཡོདཔ་ཨིན་པས།

མེ་རྐྱེན་དེ་ཡང་ སྒྲིང་ཁྱིམ་དེ་གི་ འོག་ཐོག་ལུ་ཡོད་མི་ སྣུམ་འཁོར་བཅོ་ཁང་ནང་ལས་ བྱུང་ནུག་ཟེར་ཨིནམ་ད་ དེ་སྦེ་ ཤི་རྐྱེན་བྱུང་མི་ ༡༠ ལས་ མི་གྲངས་ ༩ པོ་དེ་ རྒྱ་གར་གྱི་ མི་ཁུངས་ཨིན་པའི་ ངོས་འཛིན་བྱུང་ནུག།

སྒྲིང་ཁྱིམ་དེ་ནང་ ཕྱི་རྒྱལ་ལས་ ལཱ་འབད་བར་འོང་མི་ཚུ་ སྡོདཔ་ཨིན་པས་ཟེར་ བཀོད་འདུག་པའི་གནས་ཚུལ།