རྒྱ་གར་གྱི་ ལྷོ་ཕྱོགས་མངའ་སྡེའི་ས་གནས་ ཅེ་ནའི་ཁྲོམ་སྡེ་ལུ་ ཆུ་རུད་ཐོན་ཏེ་ མི་སེར་ ༤༠༠ ལུ་ཤི་རྐྱེན།

བི་བི་སི།
མི་ལོ་ ༧ གྱི་རྒྱབ་ལས་ རྒྱ་གར་གྱི་ ལྷོ་ཕྱོགས་མངའ་སྡེའི་ས་གནས་ ཅེ་ནའི་ཁྲོམ་སྡེ་ལུ་ ཆརཔ་སྦོམ་སྦེ་ར་ རྐྱབ་ནི་དེ་གིས་ ཆུ་རུད་ཐོན་པའི་ རྐྱེན་ངན་ནང་ མི་སེར་ ༤༠༠ དེ་ཅིག་ལུ་ ཤི་རྐྱེན་བྱུང་ནུག།
དེ་འབདཝ་ལས་ སྤྱི་ཟླ་ ༡༡ པའི་ནང་ར་ སློབ་གྲྭ་ཁག་དང་ མཐོ་རིམ་སློབ་གྲྭ་ཚུ་ སྒོ་བསྡམས་དགོཔ་ བྱུང་མི་དེ་ ད་རེས་ ཐེངས་ ༢ པ་ཨིནམ་ད་ དེ་ཡང་ སྤྱི་ཟླ་ ༡༡ པའི་ཚེས་ ༡༡ ལས་ ཆརཔ་སྦོམ་སྦེ་ར་ རྐྱབ་ནི་དེ་གིས་ཨིན་པས།
དེ་མ་ཚད་ ཆར་ཆུ་དེ་ལུ་བརྟེན་པའི་ ཆུ་རུད་ཐོན་མི་དེ་གིས་ འཁོར་ལམ་དང་ སྡོད་ཁྱིམ་གྱི་ ས་ཁོངས་ཚུ་ནང་ ཆུ་འདམ་ཁོག་ཁོ་ཚུ་གིས་ མི་སེར་ས་ཡ་ ༡༢ དེ་ཅིག་ལུ་ དཀའ་ངལ་འབྱུང་སྟེ་ཡོད་པའི་གུ་ ད་ལས་ཕར་ཡང་ ཆརཔ་འཕྲོ་མཐུད་དེ་ར་ རྐྱབ་ནི་ཨིན་པའི་སྐོར་ལས་ དབང་འཛིན་ཚུ་གིས་བཤད་ནུག།
དེ་བཟུམ་སྦེ་ སྤྱི་ཟླ་ ༡༠ པའི་ཚེས་ ༣༡ ལུ་ཡང་ ཆར་ཆུ་ལུ་བརྟེན་པའི་ ཆུ་རུད་ཀྱི་ རྐྱེན་ངན་ནང་ མི་སེར་ ༢༦ དེ་ཅིག་ལུ་ ཤི་རྐྱེན་བྱུང་ཡོདཔ་ཨིན་པས།
ས་གནས་དེ་ཁར་ ཆརཔ་དེ་ དུས་རྒྱུན་ར་ རྐྱབ་ནི་ཨིན་པའི་གུ་ ཆརཔ་རྐྱབ་ནི་ཨིན་པའི་སྐོར་ལས་ སྔ་གོང་ལས་ཡང་ ཤེས་མི་ཚུགས་ནི་ཨིནམ་སྦེ་ མཁས་མཆོག་ཚུ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: