གཞལམ་སྒང་རྫོང་ཁག་ པཱན་སྦང་དྲུང་ཁག་གི་ ལོ་བསྟར་ཚེས་བཅུ།

ལྷག་པ་གྲུབ་བ།

རང་ཟླ་ ༩ པའི་ཚེས་ ༢༢ སྤྱི་ཟླ་ ༡༡ པའི་ཚེས་ ༡༥ ལུ་ མི་དབང་མངའ་བདག་རིན་པོ་ཆེ་དང་ མི་དབང་རྒྱལ་བཙུན་མཆོག་གིས་ དབུ་གཙོས་པའི་ མི་དབང་རྒྱལ་སྲས་ འཇིགས་མེད་རྣམ་རྒྱལ་དང་ མི་དབང་རྒྱལ་སྲས་ ཨྱོ་རྒྱན་དབང་ཕྱུག་མཆོག་ པཱན་སྦང་ཚེས་བཅུའི་ནང་ དབུ་བཞུགས་མཛད་གནང་ནུག།

དེ་ཡང་ སྤྱི་ལོ་ ༡༩༩༧ ལས་ བསོད་ནམས་ཆོས་གླིང་གྲྭ་ཚང་ནང་ འགོ་བཙུགས་གནང་མི་ ཚེས་བཅུ་དེ་ དུས་ཅི་ སྤྱི་ཟླ་ ༡༡ པའི་ཚེས་ ༡༢ ལས་ འགོ་བཙུགས་ཡོདཔ་ཨིན་པས།

དེ་བཟུམ་སྦེ་ རྒྱལ་བ་ལྷ་ལས་བབས་པའི་ དུས་ཆེན་དང་བསྟུན་ཏེ་ མི་མང་ལུ་ གུ་རུ་རིན་པོ་ཆེའི་ མཐོང་གྲོལ་གྱི་ མཇལ་ཁ་ཡང་ གནང་ཡོདཔ་ད་ གཞལམ་སྒང་དང་ ཉེ་འདབས་ཀྱི་ རྫོང་ཁག་ཚུ་ལས་ དད་ཅན་གྱི་ མི་སེར་བརྒྱ་ཕྲག་སྦེ་ ཚེས་བཅུ་མཇལ་བར་ འཛོམས་ཡོདཔ་ཨིན་པའི་གནས་ཚུལ།