ཀྲོང་གསར་རྫོང་ནང་ ཉིན་གྲངས་ ༡༦ གི་རིང་ལུ་ མགོན་དབང་སྒྲུབ་མཆོད།

ལྷག་པ་གྲུབ་བ།
སྤྱི་ཟླ་ ༡༡ པའི་ ཚེས་ ༡༦ ལས་ ཀྲོང་གསར་རྫོང་ནང་ ཉིན་གྲངས་ ༡༦ གི་རིང་ལུ་ ཀྲོང་གསར་གྲྭ་ཚང་གི་ བླམ་གནས་བརྟན་ དབུ་བཞུགས་ཐོག་ལུ་ དགེ་སློང་ཞལ་གྲངས་ ༡༣༠ ལྷགཔ་ཅིག་གིས་ བསྟན་སྤྱིའི་སྐུ་རིམ་ མགོན་དབང་སྒྲུབ་མཆོད་ གནངམ་ཨིན་པས།
ཀྲོང་གསར་རྫོང་ནང་ མགོན་དབང་སྒྲུབ་མཆོད་དེ་ ཐེངས་ ༣༤ པ་ཨིནམ་ད་ དེ་ཡང་ སྤྱིར་འཛམ་གླིང་ནང་ དམག་འཁྲུག་ཚུ་ ཞི་ཐབས་ལུ་དང་ ལྷག་པར་དུ་ ང་བཅས་རའི་ རྒྱལ་ཁབ་ནང་ ནད་ཡམས་མུ་གེ་ཚུ་མེད་པར་ དགའ་སྐྱིད་དང་ ཞི་བདེའི་ངང་ལུ་ གནས་ཐབས་ལུ་ཨིན་པའི་ཁར་ ཡང་སྒོས་ལུ་ མི་དབང་མངའ་བདག་རིན་པོ་ཆེ་ ཡབ་མེས་སྲས་ ༣ དང་ མི་དབང་སྐུ་འཁོར་ལྷན་རྒྱས་ཚུ་ སྐུ་ཚེ་ཞབས་པད་ བསྐལ་བརྒྱར་བརྟན་ཏེ་ མཛད་པ་འཕྲིན་ལས་ཚུ་ དར་ཞིང་རྒྱས་ཐབས་ལུ་ཨིན་ཟེར་ ཀྲོང་གསར་གྲྭ་ཚང་གི་གཉེརཔ་ སློབ་དཔོན་སངས་རྒྱས་མཁའ་འགྲོ་གིས་ བཤདཔ་ཨིན་པས།
མགོན་དབང་སྒྲུབ་མཆོད་སྐབས་ལུ་ ཉིནམ་ ༣ གྱི་རིང་ གཤིན་རྗེ་དང་ ཞྭ་ནག་དམངས་འཆམ་ཚུ་ཡང་ གནང་ནི་ཡོདཔ་ཨིན་པའི་གནས་ཚུལ།

Please follow and like us: