ཨཱན་ཝར་ཨི་བར་ཧིམ་དེ་ མ་ལེ་ཤི་ཡའི་ བློན་ཆེན་གསརཔ་སྦེ་བསྐོ་བཞག།

བི་བི་སི།
མ་ལེ་ཤི་ཡའི་ ཡུན་རིང་གི་ ལྡོ་ཕྱོགས་འགོ་ཁྲིདཔ་ ཨཱན་ཝར་ཨི་བར་ཧིམ་དེ་ བཙག་འཐུའི་ཤུལ་ལུ་ ཉིན་གྲངས་དག་པ་ཅིག་ བཀག་ཆ་སྦེ་ བཞག་ཡོད་རུང་ སྤྱི་ཟླ་ ༡༡ པའི་ཚེས་ ༢༤ ལུ་ བློན་ཆེན་སྦེ་ བསྐོ་བཞག་གནང་ནུག།
དེ་ཡང་ བཙག་འཐུའི་ཤུལ་ལས་ བདུན་ཕྲག་ངལ་གསོའི་ དུས་ཡུན་ནང་ སྔོན་ཆད་མ་བྱུང་པའི་ སྤྱི་ཚོགས་བཀག་བཞག་འབད་བའི་ གནས་སྟངས་ཀྱི་ཤུལ་ལུ་ མ་ལེ་ཤི་ཡའི་རྒྱལ་པོ་ སུལ་ཏཱན་ཨབ་དྷུལ་ལ་གིས་ བསྐོ་བཞག་གནང་ཡོདཔ་ཨིན་པས།
བློན་ཆེན་གསརཔ་ ཨཱན་ཝར་དང་ བློན་ཆེན་བགྲེསཔ་ མུ་ཧི་དིན་ ༢ ལུ་ གཞུང་བཙུགས་ནི་གི་དོན་ལས་ ཡིད་ཆེས་ཚོགས་རྒྱན་ ཐོབ་མ་ཚུགས་པར་ ལུས་ཡོདཔ་ད་ ཨཱན་ཝར་གྱིས་ སྲིད་ཚོགས་ག་དང་གཅིག་ཁར་ མཉམ་སྡེབ་འབད་ནི་ཨིན་ན་ གསལ་ཏོག་ཏོ་ཅིག་ མེདཔ་ཨིན་པས།
རྒྱལ་པོའི་ཕོ་བྲང་ནང་ལས་ གསར་བཏོན་འབད་མི་ བརྗོད་དོན་ཅིག་ནང་ བཀོད་དོ་བཟུམ་འབད་བ་ཅིན་ མ་ལེ་ཤི་ཡའི་ རྒྱལ་ཁབ་ཀྱི་ དབུ་ཁྲིད་ཚུ་གི་ ཐུགས་འཆར་དང་འཁྲིལ་ཏེ་ མི་དབང་རྒྱལ་པོ་མཆོག་གིས་ ཨཱན་ཝར་ཨི་བར་ཧིམ་དེ་ བློན་ཆེན་ ༡༠ པ་སྦེ་ བསྐོ་བཞག་གི་དོན་ལས་ ངོས་ལེན་མཛད་ཅི་ཟེར་ཨིན་པས།
ཨཱན་ཝར་གྱི་ སྲིད་དོན་ཚོགས་པ་ པ་ཀ་ཏཱན་ ཧ་ར་པཱན་གྱིས་ སྤྱི་ཟླ་ ༡༡ པའི་ཚེས་ ༡༩ གི་ བཙག་འཐུའི་ནང་ལས་ ཚོགས་རྒྱན་རྒྱ་ཆེཝ་སྦེ་ར་ ཐོབ་ཡོད་རུང་ གཞུང་སྐྱོང་གི་དོན་ལུ་ ཚོགས་རྒྱན་ལངམ་སྦེ་ མ་ཐོབ་ཨིན་པའི་གནས་ཚུལ།

Please follow and like us: