ཡུ་ཀེ་རེན་དང་ ར་ཤི་ཡའི་ དམག་འཁྲུག་ནང་ ཡུ་ཀེ་རེན་གྱི་ དམག་མི་ ༡༣,༠༠༠ ལུ་ཤི་རྐྱེན།

བི་བི་སི།
ཡུ་ཀེ་རེན་ལུ་ ར་ཤི་ཡ་གིས་ དྲག་དམག་ཐོག་ལས་ བཙན་འཛུལ་འབད་ཞིནམ་ལས་ཚུར་ ད་ཚུན་གྱི་བར་ན་ ཡུ་ཀེ་རེན་གྱི་ དམག་མི་ ༡༣,༠༠༠ དེ་ཅིག་ལུ་ ཤི་རྐྱེན་བྱུང་ནུག་ཟེར་ འགན་འཛིན་འགོ་དཔོན་གོངམ་ཅིག་གིས་ བཤད་ཡོདཔ་ཨིན་པས།
མ་གཞི་ དམག་མི་ཤི་རྐྱེན་གྱི་ གྱངས་ཁ་གསལ་བཤད་འབད་ནི་དེ་ ལཱ་ཁག་ཅིག་ཨིནམ་ལས་ ངེས་གཏན་མིན་ཟེར་ ཡུ་ཀེ་རེན་ སྲིད་འཛིན་གྱི་གྲོས་དཔོན་ མི་ཁའི་ལོ་ པོ་ཌཱོལ་ཡག་གིས་ གསལ་བཤད་ནང་བཀོད་ནུག།
སྤྱི་ཟླ་ ༦ པའི་ནང་ ཁོ་གིས་ བཤད་དོ་བཟུམ་འབད་བ་ཅིན་ ཉིན་བསྟར་བཞིན་དུ་ ཡུ་ཀེ་རེན་གྱི་ དམག་མི་ ༡༠༠ དང་ ༢༠༠ དེ་རེའི་བར་ན་ ཤི་རྐྱེན་བྱུང་མས་ཟེར་ཨིན་པས།
ག་དེ་སྦེ་ཨིན་རུང་ ཡུ་རོབ་ལྷན་ཚོགས་ཀྱིས་ ཡུ་ཀེ་རེན་གྱི་ དམག་མི་ ༡༠༠,༠༠༠ དེ་ཅིག་ལུ་ ཤི་རྐྱེན་དང་ རྨ་སྐྱོན་བྱུང་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: