མི་སྡེ་བརྡ་བརྒྱུད་ཐོག་ལས་ བརྡ་དོན་རྫུན་མ་ཚུ་ ཁྱབ་སྤེལ་འབདཝ་ལས་ འཛམ་གླིང་སྤྱི་ཚོགས་ལུ་ཚ་གྱང་།

ཨེན་ཌི་ཊི་ཝི།
མི་སྡེ་བརྡ་བརྒྱུད་ཐོག་ལས་ མ་དགའ་བའི་གཏམ་དང་ བརྡ་དོན་རྫུན་མ་ཚུ་ ཁྱབ་སྤེལ་འབདཝ་ལས་ འཛམ་གླིང་སྤྱི་ཚོགས་ལུ་ ཚ་གྱང་སྦོམ་ཡོད་ཟེར་ཨིན་པས།
དེ་ཡང་ འཛམ་གླིང་སྤྱི་ཚོགས་ཀྱི་ མགྲིན་ཚབ་ཀྱིས་ བརྙས་བཅོས་ཆུང་ཀུ་ཚུ་གི་ ཡོངས་འབྲེལ་ཐོག་ལས་ དཀའ་ངལ་བསལ་མི་ ཊུའི་ཊར་ལས་ཁུངས་དེ་ ཨི་ལོན་མཱཛ་གིས་ ཆ་མེད་བཏང་བའི་ཤུལ་ལུ་ གསལ་བཤད་འབད་ནུག།
མགྲིན་ཚབ་ཀྱིས་ མི་སྡེ་བརྡ་བརྒྱུད་ཚུ་ མ་དགའ་བའི་གཏམ་དང་ བརྡ་དོན་རྫུན་མ་ཚུ་ སྤེལ་མི་ཅིག་ལུ་ གྱུར་ཡོདཔ་ལས་ ཚ་གྱང་སྦོམ་ཡོད་ལུགས་དང་ དེ་བཟུམ་མའི་ གནས་སྟངས་ཚུ་ མ་འཐོནམ་ངེས་གཏན་བཟོ་ནི་གི་ འགན་ཁུར་དེ་ མི་སྡེ་བརྡ་བརྒྱུད་ལས་སྡེ་ཚུ་ལུ་ ཕོག་ཟེར་ཨིན་པས།
ད་རེས་ ཊུའི་ཊར་ཉོ་སྒྲུབ་འབད་མི་ ཨི་ལོན་མཱཛ་གིས་ ཧེ་མ་ལས་ཡོད་མི་ ཊུའི་ཊར་གི་ ཡོངས་འབྲེལ་སྲིད་བྱུས་དང་ ལམ་ལུགས་ཚུ་ ཆ་མེད་བཏང་བའི་ཤུལ་ལུ་ ཊུའི་ཊར་གིས་ བརྙས་བཅོས་དང་ ཨ་ལོ་ལོག་སྤྱོད་ཚུ་གི་ དཀའ་ངལ་བསལ་མི་ ཁོང་རའི་ལས་སྡེའི་ བློ་གཏད་དང་ ཉེན་སྲུང་ལྷན་ཚོགས་དེ་ཡང་ ཧྲམ་བཏང་ནུག།
ཊུའི་ཊར་གྱི་ འཕྲུལ་རིག་ཁྱད་ཆོས་ལ་ལོ་ཅིག་ བསྒྱུར་བཅོས་འབད་ནི་ཨིན་པའི་སྐོར་ལས་ སྤྱི་ཟླ་འདི་ནང་ ཨི་ལོན་མཱཛ་གིས་ གསལ་བསྒྲགས་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: