ཀུར་སྟོད་ཨའུ་ཚོ་རྣམ་གྲོལ་གླིང་ དགོན་འཛིན་གྲྭ་ཚང་ནང་ སངས་རྒྱས་སྨན་བླའི་ ལོ་བསྟར་སྒྲུབ་ཆེན།

རང་ཟླ་ ༡༡ པའི་ཚེས་ ༡༥ སྤྱི་ཟླ་ ༡ པའི་ཚེས་ ༦ ལས་ ཀུར་སྟོད་ཨའུ་ཚོ་རྣམ་གྲོལ་གླིང་ དགོན་འཛིན་གྲྭ་ཚང་ནང་ རྗེ་མཁན་ཁྲི་རབས་ ༧༠ པ་ སྐྱབས་རྗེ་རིན་པོ་ཆེ་མཆོག་ དབུ་བཞུགས་ཐོག་ལུ་ དགེ་འདུན་པ་ཞལ་གྲངས་ ༢༠༠ ལྷགཔ་ཅིག་གིས་ སངས་རྒྱས་སྨན་བླའི་ ལོ་བསྟར་སྒྲུབ་ཆེན་ ཐེངས་ ༤ པ་ གནངམ་ཨིན་པས།
དེ་ཡང་ སྤྱིར་འཛམ་གླིང་རྒྱལ་ཡོངས་དང་ ལྷག་པར་དུ་ འབྲུག་རྒྱལ་ཁབ་འདི་ནང་ ནད་ཡམས་མུ་གེ་ཚུ་ཞི་སྟེ་ མི་དབང་མངའ་བདག་རིན་པོ་ཆེ་ ཡབ་མེས་སྲས་ ༣ གྱིས་ དབུ་གཙོས་པའི་ མི་དབང་སྐུ་འཁོར་ལྷན་རྒྱས་ཀྱི་ ཐུགས་དོན་ཡིད་བཞིན་དུ་ འགྲུབ་ཐབས་ལུ་དང་ མི་སེར་ག་ར་ བདེ་སྐྱིད་ཀྱི་ངང་ལུ་ གནས་ཐབས་ལུ་ཨིན་པས།
ཤར་དར་བརྒྱད་ཀྱི་ མི་སེར་ཚུ་གིས་ སྦྱིན་བདག་འབད་དེ་ ཉིན་གྲངས་ ༩ གི་རིང་ལུ་གནང་མི་ སྒྲུབ་ཆེན་དེ་ སྤྱི་ཟླ་ ༡ པའི་ཚེས་ ༡༤ ལུ་ དངོས་གྲུབ་བླངས་བ་དང་བཅསཔ་སྦེ་ འགྲོལ་གནང་ནི་ཨིན་པའི་གནས་ཚུལ།

Please follow and like us: