ཤྲཱི་ལངྐ་གིས་ དམག་མིའི་གྱངས་ཁ་ མར་ཕབ་འབད་ནི།

རོའི་ཊརཛ།
སྤྱི་ཟླ་ ༡ པའི་ཚེས་ ༡༣ ལུ་ ཤྲཱི་ལངྐའི་ སྲུང་སྐྱོབ་བློན་པོ་གིས་ ཤུལ་མའི་ལོ་ངོ་ཚུ་ལུ་ དམག་མིའི་གྲངས་ཚད་དེ་ གསུམ་དཔྱ་གཅིག་ མར་ཕབ་འབད་དེ་ མི་གྲངས་ ༡༣༥,༠༠༠ དང་ སྤྱི་ལོ་ ༢༠༣༠ ལུ་ ༡༠༠,༠༠༠ གུ་ ཕབ་ནི་ཨིནམ་སྦེ་བཤད་ནུག།
དེ་ཡང་ ལོ་ངོ་བཅུ་ཕྲག་ ༧ ལྷགཔ་ཅིག་གི་ དུས་ཡུན་ནང་ ད་རེས་ དཔལ་འབྱོར་གྱི་ དཀའ་ངལ་སྦོམ་སྦེ་ར་ ཐོན་ཡོདཔ་ལས་ རྒྱལ་ཁབ་ཀྱིས་ ཟད་འགྲོ་མར་ཕབ་འབད་ནི་ལུ་ བརྩོན་ཤུགས་བསྐྱེད་དོ་ཟེར་ཨིན་པས།.
སྲུང་སྐྱོབ་བློན་པོ་ པེར་མི་ཐ་ བཱན་ད་ར་ ཐེ་ན་ཀཱུན་གྱིས་ དམག་སྡེའི་ཟད་འགྲོ་ཚུ་ གཞུང་གིས་བཏང་དོ་ཡོདཔ་ད་ དམག་སྡེ་གིས་ ཐད་ཀར་མིན་པའི་སྒོ་ལས་ རྒྱལ་ཡོངས་དང་ མི་རློབས་ཀྱི་ སྲུང་སྐྱོབ་ངེས་གཏན་བཟོཝ་ལས་ དཔལ་འབྱོར་ཡར་འཕར་ལུ་ མཐུན་རྐྱེན་སྦྱར་ནི་དང་ དཔལ་འབྱོར་གྱི་ གོ་སྐབས་ཚུ་ བཏོན་ནི་ལུ་ ཤན་ཞུགས་འབདཝ་མས་ཟེར་ཨིན་པས།
ཤྲཱི་ལངྐའི་ དམག་མིའི་གྲངས་ཚད་དེ་ སྤྱི་ལོ་ ༢༠༡༧ ལས་ ༢༠༡༩ གི་བར་ན་ མཐོ་དྲགས་སྦེ་ མི་གྲངས་ ༣༡༧,༠༠༠ ལུ་ ལྷོད་ཡོདཔ་ཨིན་པས།
དེ་ཡང་ ཏ་མིལ་ཨིཛ་ལམ་གྱི་ ལི་བ་རེ་ཤཱན་ ཊའི་གར་ཟེར་མི་ ངོ་ལོག་སྡེ་ཚན་དང་ ལོ་ངོ་ ༢༥ གི་རིང་ལུ་ དམག་འཁྲུག་ལངས་ཏེ་ སྤྱི་ལོ་ ༢༠༠༩ ལུ་ མཇུག་བསྡུ་ཡོད་མི་ དུས་སྐབས་ཀྱི་ གྲངས་ཚད་ལས་ཡང་ལྷག་སྟེ་ ཡར་སེང་སོང་ཡོདཔ་སྦེ་ འཛམ་གླིང་དངུལ་ཁང་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: