མི་དབང་མངའ་བདག་རིན་པོ་ཆེ་མཆོག་ ཀུ་ཝེཊ་རྒྱལ་ཁབ་ནང་གཟིགས་སྐོར།

མི་དབང་མངའ་བདག་རིན་པོ་ཆེ་མཆོག་ སྤྱི་ཟླ་ ༡ པའི་ཚེས་ ༡༦ ལས་ འགོ་བཟུང་སྟེ་ ཀུ་ཝེཊ་རྒྱལ་ཁབ་ནང་ གཟིགས་སྐོར་གྱི་དོན་ལས་ ཆིབས་བསྐྱོད་གནང་ཡི།

མི་དབང་མངའ་ཞབས་མཆོག་ ཀུ་ཝེཊ་ལུ་ཕེབསཔ་ད་ ཀུ་ཝེཊ་གི་ བརྒྱུད་འཛིན་རྒྱལ་སྲས་ མི་དབང་ཤེག་མི་ཤཱལ་ ཨཱལ་ཨཱ་མེཌ་ ཨཱལ་ཇ་བར་ ཨཱལ་ས་བྷ་མཆོག་གིས་ བ་ཡཱན་ཕོ་བྲང་ནང་སྦེ་ ཕེབས་བསུ་ཞུ་ནུག།

མི་དབང་མཆོག་གིས་ གཟིགས་སྐོར་སྐབས་ལུ་ ཀུ་ཝེཊ་གི་ མི་དབང་སྐུ་འཁོར་ལྷན་རྒྱས་དང་ གཞུང་གི་ཆེ་མཐོའི་དཔོན་ཁག་ཚུ་དང་ མཇལ་འཕྲད་མཛད་གནང་ནི་ཨིནམ་མ་ཚད་ ཀུ་ཝེཊ་ལུ་ཡོད་མི་ འབྲུག་པའི་མི་སྡེ་དང་ཡང་ མཇལ་འཕྲད་མཛད་ནི་ཨིན་པས།

དུས་ཅི་གི་ ལོ་འདི་ཁར་ འབྲུག་དང་ ཀུ་ཝེཊ་གི་བར་ན་ དོན་གཅོད་མཐུན་ལམ་ གཞི་བཙུགས་འབད་དེ་ ལོ་ངོ་ ༤༠ འཁོརཝ་ཨིན་པའི་གནས་ཚུལ།