ཧེ་ལི་ཀོབ་ཊར་ ཐུག་རྐྱེན་ནང་ ཡུ་ཀེ་རེན་གྱི་ ནང་སྲིད་བློན་པོ་ལུ་ཤི་རྐྱེན།

བི་བི་སི།
ཡུ་ཀེ་རེན་གྱི་རྒྱལ་ས་ ཀི་ཡེབ་ཀྱི་ ཤར་ཕྱོགས་ཁྲོམ་སྡེ་ བོ་རོ་ཝ་རེ་ལུ་ཡོད་མི་ ཨ་ལོའི་གཅེས་སྐྱོང་ལྟེ་བའི་ སྦོ་ལོགས་ཁར་ གནམ་གྲུ་ཧེ་ལི་ཀོབ་ཊར་ཅིག་ལུ་ ཐུག་རྐྱེན་བྱུང་མིའི་ནང་ ཡུ་ཀེ་རེན་གྱི་ ནང་སྲིད་བློན་པོ་གིས་གཙོས་པའི་ མི་གྲངས་ ༡༨ ལུ་ ཤི་རྐྱེན་བྱུང་ནུག།
དེ་སྦེ་ ཤི་རྐྱེན་བྱུང་མིའི་གྲངས་སུ་ ཨ་ལོ་ ༣ ཡང་ཡོདཔ་ད་ མི་གྲངས་ ༡༥ སྨན་ཁང་ནང་ སྨན་བཅོས་འབད་དོ་ཡོདཔ་ཨིན་པས།
སྐྱེས་ལོ་ ༤༢ འབད་མི་ ནང་སྲིད་བློན་པོ་དེ་ སྲིད་འཛིན་ཟེ་ལེནཛ་ཀི་གི་ སྤྱི་ཚོགས་ནང་ ཡོངས་གྲགས་ཅན་གྱི་ འཐུས་མི་ཅིག་ཨིན་པའི་ཁར་ སྤྱི་ལོ་ ༢༠༢༢ སྤྱི་ཟླ་ ༢ པའི་ནང་ ར་ཤི་ཡ་གིས་ ཡུ་ཀེ་རེན་ལུ་ དྲག་ཐོག་བཙན་འཛུལ་འབདཝ་ལས་ཚུར་ གནོད་སྐྱོན་དང་ ཤི་རྐྱེན་གྱི་ གནས་ཚུལ་ཚུ་ དུས་མཐུན་བཟོ་སྟེ་ མི་མང་ལུ་ ཁྱབ་སྤེལ་འབད་མི་ གཙོ་བོ་ཅིག་ཡང་ཨིན་པས།
ནང་སྲིད་བློན་པོ་དེ་ གཞུང་གི་གློ་བུར་གནད་དོན་ཐོག་ལུ་ གནམ་གྲུ་ཧེ་ལི་ཀོབ་ཊར་ནང་ ཕྱད་མདའ་ཚབས་ཆེན་ལང་སའི་ ས་ཁོངས་ནང་འགྱོཝ་ད་ ཐུག་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: