མི་དབང་རྒྱལ་བཙུན་མཆོག་ མར་མེ་སྟོང་མཆོད་ཕུལ་སར་ ཐུགས་སྨོན་གནང་པར་བྱོན་ཡོདཔ།.

སྤྱི་ཟླ་ ༢ པའི་ཚེས་ ༡༠ ལུ་ མི་དབང་རྒྱལ་བཙུན་མཆོག་ བདུན་ཕྲག་འདི་ཁར་ ཊར་ཀི་དང་ སི་རི་ཡའི་ རྒྱལ་ཁབ་ ༢ ཀྱི་ནང་ ས་ཡོམ་རྐྱབ་པའི་རྐྱེན་གྱིས་ གནོད་སྐྱོན་བྱུང་མི་ཚུ་གི་དོན་ལས་ མར་མེ་སྟོང་མཆོད་ཕུལ་སར་ ཐུགས་སྨོན་གནང་པར་ བྱོན་ཡོདཔ་ཨིན་པས།.

དེ་ཡང་ ས་ཡོམ་དེ་ལུ་བརྟེན་ཏེ་ མི་གྲངས་ ༢༡,༠༠༠ ལྷགཔ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ མི་གྲངས་ས་ཡ་ལེ་ཤ་ཅིག་ལུ་ཡང་ གནོད་སྐྱོན་བྱུང་ཡོདཔ་ད་ མར་མེ་སྟོང་མཆོད་དེ་ ཤི་རྐྱེན་བྱུང་མི་ཚུ་གི་ རྗེས་དྲན་ལུ་དང་ ཊར་ཀི་དང་ སི་རི་ཡའི་ མི་སེར་ཚུ་དང་ གཅིག་སྒྲིལ་གྱི་ བརྡ་མཚོན་ལུ་ འགོ་འདྲེན་འཐབ་ནུག། 

བཀྲིས་ཆོས་རྗོང་གི་ ཀུན་དགའ་ར་ནང་སྦེ་ མར་མེ་སྟོང་མཆོད་ཕུལ་སར་ མི་རྗེ་བློན་ཆེན་དང་ གཞུང་གི་ཆེ་མཐོའི་འགོ་དཔོན་ཚུ་མ་ཚད་ ཕྱི་འབྲེལ་དོན་གཅོད་སྐུ་ཚབ་ཚུ་དང་ རྒྱལ་སྤྱི་ལས་སྡེ་ཁགགི་ སྐུ་ཚབ་ཚུ་གིས་ཡང་ གྲལ་གཏོགས་འབད་ཡོད་པའི་གནས་ཚུལ།